Bandeira de Azerbaidján

Bandeira de Azerbaidján
Características
Uso	...
Proporción	1:2
Adopción	9 de novembro de 1918
Cores	azul     vermello     verde     branco
v c e

A bandeira de Azerbaidján (en azerí: Azərbaycan bayrağı) é a bandeira nacional de Azerbaidján. Consiste en tres franxas horizontais de igual tamaño, sendo azul a superior, vermella a central e verde a inferior. No centro da faixa vermella, aparecen unha lúa crecente branca e unha estrela de oito puntas tamén de cor branca.

A cor azul representa a herdanza túrquica, a vermella a modernización da sociedade e o progreso, e a verde ao islam.^[1] As cores oficiais e o tamaño foron adoptados oficialmente o 5 de febreiro de 1991. Dende entón a bandeira é mencionada na Constitución e dúas veces no himno nacional. A bandeira é usada en terra, como civil, estatal e de guerra; no mar, como civil, estatal, naval e de guerra. O 17 de novembro de 2009, por decreto presidencial, o 9 de novembro foi declarado Día da Bandeira Nacional.

Historia

A bandeira actual utilizouse por vez primeira en 1918, cando Azerbaidján logrou a súa independencia do Imperio ruso durante a Revolución e a súa posterior guerra civil. Esta bandeira (cuxa única diferenza era a posición da media lúa e a estrela e os seus tamaños) durou até 1920, ano no que Azerbaidján se incorpora á Unión Soviética. A partir desta data, adopta unha bandeira vermella coa inscrición ССРА (SSRA, iniciais en cirílico da República Socialista Soviética de Azerbaidján) na esquina superior ao lado do mastro. En 1937 engádese a fouce e o martelo e cámbianse as iniciais por AzSSR en caracteres latinos. Nos anos 1940, cámbianse os caracteres latinos por cirílicos, quedando АзССР. O 7 de outubro de 1952, adóptase unha nova bandeira, que é semellante á da URSS, pero cunha franxa azul na parte inferior.

• 
  Actual bandeira naval
• 
  Bandeira da R.D. de Azerbaidján
• 
  Bandeira de 1920 a 1921
• 
  Bandeira de 1921 a 1922
• 
  Bandeira de 1922
• 
  Bandeira de Transcaucasia, de 1922 a 1936
• 
  Bandeira de 1937 a 1939
• 
  Bandeira de 1939 a 1952
• 
  Bandeira da RSS de Azerbaidján, de 1952 a 1991.

Notas

1. "Embassy of the Republic of Azerbaijan to Canada". Arquivado dende o orixinal o 15 de novembro de 2010. Consultado o 05 de marzo de 2011. 

Véxase tamén

Wikimedia Commons ten máis contidos multimedia na categoría:  Bandeira de Azerbaidján

Outros artigos

• Emblema de Azerbaidján
• Himno nacional de Azerbaidján

Ligazóns externas

• Azerbaidján en Flags of the World (en inglés)