Astacoideos

Astacoideos Astacoidea Rango fósil: mesozoico - actualidade
Austropotamobius pallipes
Clasificación científica
Reino: Animalia Filo: Arthropoda Subfilo: Crustacea Clase: Malacostraca Orde: Decapoda Suborde: Pleocyemata Infraorde: Astacidea Superfamilia: Astacoidea Latreille, 1802
Familias
Astacidae Cambaridae

A dos astacoideos (Astacoidea) é unha superfamilia de crustáceos da orde dos decápodos, suborde dos pleociemados e infraorde dos astacideos que foi descrita en 1802 polo entomólogo francés Pierre André Latreille na súa obra en tres volumes Histoire naturelle, générale et particulière des Crustacés et des Insectes. Ouvrage faisant suite à l'histoire naturelle générale et particulière, composée par Leclerc de Buffon, et rédigée par C. S. Sonnini, membre de plusieurs Sociétés savantes.^[1]

Características

As principais características dos astacoideos son:^[2]

• Son crustáceos de auga doce que, xunto cos seus moi próximos parentes, os membros da superfamilia dos parastacoideos, conforman o grupo dos chamados cangrexos de río que, a pesar do seu nome, se asemellan máis ben a pequenos lumbigantes, cos que ambos os grupos están relacionados.
• Respiran a través de branquias plumosas, e viven en masas de auga que non se conxelan até o fondo; algunhas especies encóntranse en pequenos ríos, arroios e regatos, mentres que outras prosperan en encoros, canles de rega e arrozais.
• Aliméntanse de plantas e animais vivos e mortos.
• A maioría destes cangrexos non poden tolerar as augas contaminadas, aínda que algunhas especies, como a invasora Procambarus clarkii, son máis resistentes.

Clasificación

Astacus astacus (astácidos).

Procambarus clarkii (cambáridos).

Clasificación segundo o ITIS

O ITIS admite só dúas familias dentro da superfamilia:^[3]

Astacoidea Latreille, 1802

• Familia Astacidae Latreille, 1802
• Familia Cambaridae Hobbs, 1942

Clasificación segundo o WoRMS

Porén, o WoRMS, inclúe unha máis:^[4]

Astacoidea Latreille, 1802

• Familia Astacidae Latreille, 1802
• Familia Cambaridae Hobbs, 1942
• Familia Parastacidae Huxley, 1879

Esta última, a dos parastácidos, constitúe para algúns autores e bases de datos (como o ITIS), unha superfamilia á parte, a dos Parastacoidea Huxley, 1879.^[5]

Ademais, o WoRMS iclúe tamén a familia fósil dos Cricoidoscelosidae Taylor, Schram & Shen, 1999 †

Notas

1. Astacidea no WoRMS.
2. Christoph Needon; Johannes Petermann; Peter Scheffel; Bernd Scheibe (1971). Plants and Animals (Pflanzen und Tiere). Leipzig: Urania Verlag. 
3. Astacoidea Latreille, 1802 no ITIS.
4. Astacoidea Latreille, 1802 no WoRMS.
5. Parastacoidea Huxley, 1879 no ITIS.

Véxase tamén

Wikimedia Commons ten máis contidos multimedia na categoría:  Astacoideos

Bibliografía

• De Grave, Sammy; N. Dean Pentcheff & Shane T. Ahyong (2009): A classification of living and fossil genera of decapod crustaceans Arquivado 06 de xuño de 2011 en Wayback Machine..
• Gilbertson, Lance (1999): Zoology Lab Manual. 4ª ed. Nova York: McGraw Hill Companies. ISBN 0-07-237716-X.
• Huxley, Thomas Henry (1880): The Crayfish: an Introduction to the Study of Zoology. Nova York:D. Appleton & Co.
• Johnson, Sterling K. & Nathan K. Johnson (2008): Texas Crawdads Arquivado 07 de agosto de 2008 en Wayback Machine.. Texas. College Station. ISBN 978-0-9801103-0-2.
• Martin, J. W. & G. E. Davis (2001): An Updated Classification of the Recent Crustacea.
• Walls, Jerry G. (2009): Crawfishes of Louisiana. Baton Rouge: Florida State University Press. ISBN 978-0-8071-3409-2.

Outros artigos

• Decápodos
• Pleociemados
• Astacideos

Ligazóns externas

• Astacoidea Latreille 1802 Arquivado 03 de marzo de 2016 en Wayback Machine. en Fossilworks.
• Astacoidea Latreille, 1802 no WoRMS. (Lista das familias)
• Astacoidea Latreille, 1802 no ITIS.
• Astacoidea na ADW.
• Astacoidea Arquivado 27 de novembro de 2016 en Wayback Machine. na EOL.