Arturo Benito Silva, nado en Verín o 10 de maio de 1907,[1] foi un mestre, escritor e político galego.
Traxectoria
Estudou o Bacharelato en Ourense e fíxose mestre. Aprobou as oposicións ao Maxisterio en 1929. Exerceu como mestre en Correchouso (Laza) (1929), Verín (1931), Arcos (Vilamartín de Valdeorras) (1932) e Queizás (1935).[2] Militante do Partido Radical, colaborou en La Zarpa e dirixiu o semanario Monterrey en 1935. Logo do golpe de Estado do 18 de xullo de 1936 colaborou en España Nueva de Verín. En maio de 1944 obtivo o título de procurador dos tribunais.[3] Foi baixa no Maxisterio en 1945 "por abandono de destino" en febreiro de 1944. Nos anos oitenta colaborou no Suplemento Cultural do Faro de Vigo.[4]
Notas
