O Art Ross Trophy é entregado ao xogador da National Hockey League (NHL) que liderou a liga en puntos anotados ao final da liga regular.[1] Foi presentado á liga polo ex xogador, General Manager, e adestrador Art Ross. O trofeo foi entregado 65 veces a 27 xogadores distintos dende a súa introdución na tempada 1947-48. Ross é tamén coñecido polo seu deseño do puck oficial da NHL, cos bordos lixeiramente biselados para un mellor control.
Xogadores dos Pittsburgh Penguins gañaron o trofeo en 15 ocasións (todas nun lapso de 26 tempadas entre 1988-2014); os xogadores dos Montreal Canadiens gañárono en nove ocasión; e xogadores dos Chicago Blackhawks gañaron o premio oito veces. Aínda que Joe Thornton, gañador do premio na tempada 2005-06, comezou a tempada xogando nos Boston Bruins, finalizouna cos San Jose Sharks, e o premio conta para os Sharks. Polo tanto, os Boston Bruins seguen aos Blackhawks con sete xogadores galardoados.
Gretzky gañou o trofeo 10 veces, incluíndo sete consecutivas, durante a súa carreira de 20 anos na NHL. Gordie Howe e Lemieux gañárono en seis ocasións, mentres que Esposito e Jágr o conseguiron cinco veces cada un. Jagr, da República Checa, é o xogador non canadense que máis veces gañou o trofe. Gretzky é o único xogador que gañou o treofeo con máis dun equipo, mentres que Thornton é o único xogador que o gañou xogando para dous equipos nunha mesma tempada. Stan Mikita é o único xogador na historia da NHL que gañou os trofeos Art Ross, Hart e Lady Byng nunha mesma tempada, o que fixo en dúas ocasións (1966-67 e 1967-68). Orr é o único defensa que gañou o título ao mellor puntuador, facéndoo en 1970 e 1975, e o único xogador que gañou catro premios individuais ao gañar tamén os trofeos Hart, Norris, e Conn Smythe en 1970.[2]
En 2007, Sidney Crosby non só se converteu no xogador máis novo en gañar o Art Ross Trophy aos 19 anos, converteuse no xogador máis novo de todas as ligas profesionais americanas de calquera deporte en gañar o premio ao máximo anotador.[3] Con case o dobre da idade de Crosby, Martin St. Louis converteuse no xogador máis vello en gañar o Art Ross Trophy con 37 anos, tendo tamén o maior lapso entre a consecución de dous títulos (nove anos).Henrik e Daniel Sedin son os dous únicos inrmáns que gañaron o premio, en 2010 e 2011, respectivamente.[4] Dende 2001, só tres xogadores, Crosby, Evgeni Malkin, e St. Louis teñen gañado o premio en máis dunha ocasión: Crosby en 2007 e 2014, Malkin en 2009 e 2012, e St. Louis en 2004 e 2013.
As regras da NHL estipula tres criterios de desempate en caso de que dous ou máis xogadores estean empatados a puntos:[1]
Xogador con máis goles.
Xogador con menos partidos xogados.
Xogador que anotara o primeiro gol da tempada.
Os empates en anotación apareceron nas tempadas 1961–62, 1979–80, e 1994–95, todos eles foron decididos polo primeiro criterio de máis goles anotados. O premio da NHL que recoñece ao máximo goleador, o Maurice "Rocket" Richard Trophy, non ten criterios de desempate, permitindo que haxa varios xogadores recoñecidos nunha mesma tempada.
↑Lach gañou un título ao máximo puntuador antes da introdución do trofeo, facendo deste o seu segundo título de máximo puntuador mais só o seu primeiro Art Ross Trophy.
.svg){kind=small}
