PROFILBARU.COM

Antolín Sánchez Presedo
	;
Biografía
Nacemento	5 de abril de 1955 (69 anos); Betanzos, España
Eurodeputado
	Representa: Partido Socialista Obrero Español; 14 de xullo de 2009 – 30 de xuño de 2014 ; Lexislatura: VII lexislatura do Parlamento Europeo ; Circunscrición electoral: España ; Electo en: Eleccións ao Parlamento Europeo de 2009
Eurodeputado
	Representa: Partido Socialista Obrero Español; 20 de xullo de 2004 – 13 de xullo de 2009 ; Lexislatura: VI lexislatura do Parlamento Europeo ; Circunscrición electoral: España ; Electo en: eleccións ao Parlamento Europeo de 2004
Consellería de Medio Ambiente, Territorio e Infraestruturas
	1987 – 1990 ; ← Fernando Pedrosa Roldán – Xosé Cuíña →
Secretario Xeral do Partido Socialista de Galicia
	1985 – 1994 ; ← Antonio Rodríguez Rodríguez – Francisco Vázquez Vázquez →
Alcalde de Betanzos
	1983 – 1985 ; ← Vicente de la Fuente García – Manuel Lagares Pérez →
Deputado do Parlamento de Galicia
	1981 – 1997
Concelleiro Betanzos
	1979 – 1985
Actividade
Lugar de traballo	Estrasburgo ; Bruxelas
Ocupación	político, avogado
Partido político	Partido Socialista Obrero Español
Membro de	Partido dos Socialistas de Galicia

Antolín Sánchez Presedo, de nome completo Antolín Luís Mariano Sánchez Presedo^[1], nado en Betanzos o 5 de abril de 1955, é un político galego membro do PSOE, e deputado no Parlamento Europeo.

Traxectoria

Formación

É licenciado en Dereito pola Universidade de Santiago de Compostela, e mestrado en Dereito da Unión Europea pola Universidade Carlos III de Madrid.^[1]

Finais dos setenta e década dos oitenta

Deputado no Parlamento de Galicia dende a I ata a IV lexislatura (1981-1997), e concelleiro da súa cidade natal dende 1979 ata que, en 1983, obtén a alcaldía de Betanzos ó gañar as eleccións municipais por maioría absoluta. En 1985 é nomeado Secretario Xeral do PSdeG-PSOE en substitución de Paco Vázquez, motivo polo que deixa a alcaldía betanceira co fin de prepara-las eleccións autonómicas que se celebrarían en novembro dese ano.

A pesar de perde-las citadas eleccións, en 1987, e debido á moción de censura presentada contra o goberno de Xerardo Fernández Albor (que triunfaría grazas ó voto do tránsfuga Xosé Luís Barreiro), o PSdeG-PSOE acada o poder, formando un goberno tripartito coa Coalición Galega e o Partido Nacionalista Galego. Sánchez Presedo sería nomeado Conselleiro de Ordenación do Territorio e Obras Públicas dese goberno, mantendo o cargo ata a vitoria do Partido Popular nas eleccións autonómicas de 1989.

Candidatura á presidencia da Xunta

En 1993 foi candidato á presidencia da Xunta de Galicia polo PSdeG-PSOE. A contundente derrota electoral precipitou a súa saída coma Secretario Xeral do partido, situación que aproveitaría para estudar o citado máster e dedicarse posteriormente ó exercicio da avogacía.

Parlamento Europeo

En 2004 regresa á política: é elixido deputado no Parlamento Europeo, cargo que ostentou até as eleccións de 2014.

Predecesor: Vicente de la Fuente García	Alcalde de Betanzos 1983 - 1985	Sucesor: Manuel Lagares Pérez
Predecesor: Fernando Pedrosa Roldán	Conselleiro de Ordenación do Territorio e Obras Públicas 1987- 1990	Sucesor: Xosé Cuíña
Predecesor: Antonio Rodríguez Rodríguez	Secretario Xeral do PSdeG 1985 – 1994	Sucesor: Francisco Vázquez Vázquez