Ann Henderson-Sellers

Ann Henderson-Sellers

Biografía
Nacemento	7 de marzo de 1952 (72 anos) Sheffield, Reino Unido
Actividade
Campo de traballo	Xeografía e Climatoloxía
Ocupación	climatóloga, profesora universitaria, escritora
Empregador	Universidade Macquarie ^(pt)
Membro de	Sociedade Meteorológica Estadunidense ^(pt) União de Geofísica dos Estados Unidos ^(pt)
Familia
Cónxuxe	Brian Henderson-Sellers
Premios
Fellow of the Australian Academy of Technology and Engineering ^(en)

Ann Henderson-Sellers, nada o 7 de marzo de 1952 en Sheffield, Yorkshire, é unha xeógrafa^[1][2] e climatóloga australiana de orixe británica.^[2]

Traxectoria

Estudou Matemáticas na Universidade de Bristol e acadou o título de doutora en ciencias atmosféricas pola Universidade de Leicester en 1976 coa tese A theoretical study of the evolution of the atmospheres and surface temperatures of the terrestrial planets.^[3][4] O examinador da tese foi James Lovelock, cuxa hipótese de Gaia inspirou a Ann, converténdose nunha das principais líderes da área Ciencia dos Sistemas Terrestres, disciplina creada polo propio Lovelock.^[3]

En 1987 trasladouse a Australia, onde foi directora fundadora do Centro de Impactos Climáticos da Universidade de Macquarie.^[3] Posteriormente foi vicerreitora do Royal Melbourne Institute of Technology . Entre 1998 a 2005 foi directora da División Ambiental da Asociación da Ciencia Nuclear e Tecnoloxía de Australia.^[3]En 1999 acadou o doutoramento en Ciencias do clima.^[5]

Tamén formou parte do equipo do Proxecto de intercomparación dos esquemas de parametrización da superficie terrestre^[6] do Programa Mundial de Investigaciones Climáticas.^{[nota 1][5]}

Actuou como consultora da Universidade das Nacións Unidas sobre diversos aspectos do impacto do cambio climático. Tamén foi unha das autoras do Segundo informe de avaliación do Grupo intergobernamental sobre o cambio climático en 1995.

Entre 2005 to 2007 foi a directora do Programa Mundial de Investigaciones Climáticas con sede en Xenebra, nas oficinas da Organización Meteorolóxica Mundial(OMM).^[3]

En 2008 escribiu un ensaio The IPCC Report: What The Lead Authors Really Think no que analiza as distintas perspectivas do Grupo intergobernamental sobre o cambio climático (GICC), principalmente o Cuarto informe de avaliación do IGCC.^[7]

É profesora emérita da Universidade de Macquarie.^[5][8]

Premios e recoñecementos

• Membro electo da Academia Australiana de Ciencias Tecnolóxicas e Enxeñaría (2000)^[1]
• Membro electo da Sociedade Meteorolóxica Americana^[3]
• Medalla Centenario de Australia (2003)^[3][5]

Escolma de publicacións

• McGuffie, K. & Henderson-Sellers, Ann (2005). A climate modelling primer (3 ed.). Chichester, West Sussex: J. Wiley. ISBN 0-470-85751-X. OCLC 55955369. 
• Henderson-Sellers, Ann (1995). Future climates of the world : a modelling perspective. Amsterdam: Elsevier. ISBN 0-444-89322-9. OCLC 162589462. 
• —————— (1989). The greenhouse effect : living in a warmer Australia. Kensington, N.S.W., Australia: New South Wales University Press. ISBN 0-86840-267-2. OCLC 19817552. }
• —————— & Goodman, Alan (1987-11-10). "Homogenizing Surface and Satellite Observations of Cloud. Aspects of Bias in Surface Data." (en inglés). }
• —————— & Goodman, Alan H. (1988-10-01). "Homogenizing Surface and Satellite Observations of Cloud" (en inglés). }
• ——————; Wilson, M; Thomas, G & Dickinson, R (1986). "Current Global Land-surface Data Sets for Use in Climate-related Studies" (en inglés): 4894 KB. doi:10.5065/d6fq9tk5. 

Notas

1. en inglés World Climate Research Programme

Referencias

1. Centre for Transformative Innovation, Swinburne University of Technology. "Henderson-Sellers, Ann - Person - Encyclopedia of Australian Science and Innovation". www.eoas.info (en inglés). Consultado o 7 de abril de 2022. 
2. Walker, Rosanne (16 de setembro de 2004). "Henderson-Sellers, Ann - Biographical entry". Bright Sparcs (en inglés). Consultado o 7 de abril de 2022. 
3. University of Bristol. "Professor Ann Henderson-Sellers". www.bristol.ac.uk (en inglés). Consultado o 7 de abril de 2022. 
4. Henderson-Sellers, A. (1976-01-01). "A theoretical study of the evolution of the atmospheres and surface temperatures of the terrestrial planets." (en inglés). University of Leicester. 
5. "Ann Henderson-Sellers - Macquarie University". www.mq.edu.au. Arquivado dende o orixinal o 21 de agosto de 2018. Consultado o 8 de xuño de 2022. 
6. "Project for Intercomparison of Land surface Parameterization Schemes (PILPS)". World Climate Research Programme. Consultado o 7 de abril de 2022. 
7. "The IPCC report: What the lead authors really think" (PDF). webcache.googleusercontent.com. Consultado o 2022-09-03. 
8. "Adjunct Fellows, Emeritus Professors, Honorary Associates". Macquarie University. Consultado o 7 de abril de 2022. 

Véxase tamén

Ligazóns externas

• Ficha na Universidade Macquarie Arquivado 21 de agosto de 2018 en Wayback Machine. (en inglés)