Agrupación Nacional

Para outras páxinas con títulos homónimos véxase: Fronte Nacional.

Agrupación Nacional Rassemblement national
Dirixentes e organización
Líder	Marine Le Pen
Mocidades	Génération Nation
Historia
Fundación	5 de outubro de 1972
Representación
Asemblea Nacional	7 / 577
Senado	1 / 348
Parlamento Europeo	30 / 81
Outros datos
Sede	Nanterre, Francia
Na rede
rassemblementnational.fr
v c e

A Agrupación Nacional (en francés, Rassemblement national, RN) —denominado ata 2018 Fronte Nacional (FN) (en francés, Front national)— é un partido político francés de extrema dereita^[1] que se define como dereita nacionalista, populista e soberanista.

Presidencia do RN

En 2011 Marine Le Pen sucedeu ao seu pai ao mando do partido

A presidencia estivo en mans do seu fundador Jean-Marie Le Pen desde 1972 ata 2011, ano en que foi substituído pola súa filla Marine Le Pen.^[2]

Poder do RN

É o primeiro partido en voto obreiro de Francia, con dous terzos dos seus votantes procedentes do Partido Comunista de Francia e do Partido Socialista. É por iso que se o considera un partido transversal, con ideas de dereita e esquerda e con votantes de ambo-los dous espectros políticos.

Durante os anos 90 e a primeira década do século XXI, a Fronte Nacional foi o terceiro partido político francés, tralo de centro-dereita (UMP) e o de centro-esquerda (Partido Socialista).

Nas presidenciais de 2002, o candidato do partido Jean-Marie Le Pen pasou á segunda volta, deixando fóra o candidato do Partido Socialista, e competiu contra o candidato da UMP, Jacques Chirac, daquela presidente. Nesa votación, Le Pen tan só acadou o 17,8% dos votos. Nas seguintes dúas eleccións presidenciais, a FN non atangueu a segunda volta. En 2017, a candidata Marine Le Pen foi a segunda máis votada, atrás de Emmanuel Macron, perante quen caeu na segunda volta cun 33,9% de apoio, o mellor resultado do partido ata a data.

En 2005, a FN fixo campaña polo non no referendo sobre o Tratado que establece unha constitución para Europa, que venceu por un 55%, fronte ao 45% do si. Comunistas e boa parte dos socialistas tamén apoiaron o voto en contra.

Nas eleccións ao Parlamento Europeo de 2014 e 2019 foi o partido máis votado en Francia. Na Eurocámara, o RN está integrado no grupo parlamentario Identidade e Democracia, canda outros partidos euroescépticos e nacionalistas de dereitas. Tamén foi o máis votado nas Eleccións europeas de 2024, con algo máis do 31% dos votos.^[3]

Notas

1. Karapin et al.
2. Marine Le Pen, la nueva líder del Frente Nacional. ABC, 15 de xaneiro de 2011.
3. "Francia. Resultados por partido político nacional - 2024-2029". results.elections.europa.eu (en castelán). 10 de xuño de 2024. Consultado o 2 de xullo de 2024. 

Véxase tamén

Wikimedia Commons ten máis contidos multimedia na categoría:  Agrupación Nacional

Bibliografía

• Karapin, Roger (1998). "Review: Radical-Right and Neo-Fascist Political Parties in Western Europe". Comparative Politics 30 (2): 213–234. ISSN 0010-4159.