A agnosia (do grego ἀγνωσία: descoñecemento) é a perda da facultade para recoñecer obxectos, persoas, sons, olores ou formas a pesar de manter a función sensorial intacta. Preséntase asociado normalmente con danos cerebrais ou doenzas neurolóxicas, particularmente por lesións no lobo temporal. Diferénciase da anomia en que a persoa que padece esta pode describir o obxecto aínda que non poida dicir o seu nome, mentres na agnosia non pode describir o obxecto.
