Coláiste na nÉireannach i bPáras

Coláiste na nÉireannach i bPáras
Sonraí
Cineál	Cliarscoil Chaitliceach agus coláiste sa Fhrainc
Suíomh geografach
Limistéar riaracháin	Páras, An Fhrainc
	48° 50′ 39″ N, 2° 20′ 45″ E / 48.84404°N,2.34595°E

Tá Coláiste na nGael, Páras nó Coláiste na nÉireannach i bPáras suite ar 5 rue des Irlandais sa 5ú arrondissement de chuid Pháras, ar an mBruach Clé (Fraincis: Collège des Irlandais, Laidin: Collegium Clericorum Hibernoram, Béarla: Irish College in Paris). Bhunaigh John Lee an Coláiste timpeall 1600 agus toghadh na foirgnimh atá ann anois sna 1770idí.

Alumni

MESSINGHAM, Thomas (c.1575–c.1638): Bhog sé go dtí an coláiste Éireannach agus bhain céim mháistir ann i 1613 agus fuair dochtúireacht ar ball ón Sorbón^[1]
NARY, Cornelius (1658–1738): cuireadh go Coláiste na nÉireannach é^[2]
Ó DUINNSHLÉIBHE, Aindrias (1680–1746): Chuaigh sé go Páras i 1710 agus i 1722 ceapadh é ina Mhaor ar Choláiste na nGael^[3]
Ó GALLCHOBHAIR, Séamus (c.1684–1751): Fuair sé oideachas i gColáiste na nGael^[4]
PAOR, Eoin (1764–1831): Fuair sé oiliúint sagairt i gColáiste na nGael^[5]
LYONS, John (1836–1908): D’fhreastail sé ar chliarscoil Naomh Uinseann i gCorcaigh roimh dhul go Coláiste na nGael dó^[6]
MAG FHLAINN, Seán (1843–1915): Faoi 1863 bhí sé i gColáiste na nÉireannach^[7]
NÍ SHÍTHIGH, David: Fuair sé oideachas i gColáiste na nGael lena dheartháir Eoghan sna 1860idí toisc nár theastaigh uathu mionn dílseachta a ghlacadh i Maigh Nuad. Cuireadh abhaile é nuair a bhí an calar forleata i bPáras in 1866^[8]
Ó RIAIN, Mathúin (1844–1937): Fuair sé oideachas i gColáiste na nGael ar feadh ceithre bliana gur oirníodh é in 1871^[9]
Ó LAOGHAIRE, Pádraig (1853–1932): Fuair sé oideachas i gColáiste na nGael mar ar oirníodh ina shagart é i Meitheamh 1879^[10]
MAC GIOLLA SHEANAIGH, Tomás Eadbhard (1879–1931): Chuaigh sé go Coláiste na nGael in 1897^[11]
DE BRÚN, Pádraig (1889–1960): Bhí a chúrsa diagachta críochnaithe aige i gColáiste na nÉireannach agus oirníodh ina shagart é i 1913^[12]
Ó DOMHNAILL, Pádraig (1890–1953): bhuaigh sé scoláireacht dhá bhliain i gColáiste na nGael, mar a ndearna sé staidéar ar fhealsúnacht^[13]