De stêd Tsjernobyl leit oan de rivier Prypjat yn it noarden fan de Oekraïne, net fier fan de grins mei Wyt-Ruslân. Foar de ramp telde de stêd ûngefear 15.000 ynwenners. No wennet der hast nimmen mear.
De namme Tsjernobyl is tsjintwurdich ferbûn mei it ûngemak mei de kearnsintrale. Dat wie it swierste ûngemak mei in kearnsintrale dêr't in soad radio-aktive stoffen by frijkamen en dêr't oant hjoed-de-dei grutte gefolgen foar de folkssûnens binne.
It wie lykwols net it earste nuklêre ûngelok yn de Sowjet-Uny. By it opwurkingsfabryk Majak yn Ruslân hawwe yn de jierren '50 en '60 fan de 20e iuw twa grutte en meardere lytse nukleêre ûngelokken west wêrby't ek in soad radio-aktiviteit oer mear as 26.000 km² bewenne gebiet ferspraat waard.
