Brigitte Bardot hat yn totaal 48 films makke. Yn 1958 briek hja ynternasjonaal troch mei Roger Vadim's "Et Dieu créa la femme", wêryn't sy it weesfamke Juliette spile. De film feroarsake in sensaasje yn de Feriene Steaten en brocht Bardot wrâldferneamdens.
Brigitte Bardot wie it bêst op har plak yn lichte komeedzjes, dêr't hja in dúdlik talint foar hie. In goed foarbyld derfan is 'Une Parisienne' út 1957; nei't sy sels sein hat ien fan de pear films wêr't hja grutsk op is.
Sûnt de jierren 70 is Bardot warber as bisterjochteäktiviste en set sy har yn foar natuerbehâld op it skiereilân efter St. Tropez. Bardot har mienings oer saken sa as ymmigraasje, de islam en homoseksualiteit binne kontroversjeel en hawwe har reputaasje yn de rin fan de jierren gjin goed dien.
Sy hat ien bern, Nicolas-Jacques Charrier (berne yn 1960).
