Sehaska (Berthe Morisot)

Le berceau Sehaska'
Irudi gehiago
Jatorria
Sortzailea(k)	Berthe Morisot
Sorrera-urtea	1872
Izenburua	Le Berceau, Mme Pontillon et sa fille Blanche eta The Cradle
Mugimendua	inpresionismoa
Ezaugarriak
Materiala(k)	Margo-oihala eta olio-pintura
Dimentsioak	56 () × 46,5 () cm
Genero artistikoa	genero-artea eta erretratua
Egile-eskubideak	jabetza publiko
Deskribapena
Kokapena
Lekua	Orsay museoa Galerie nationale du Jeu de Paume
Bilduma	Orsay museoa eta Louvreko margogintza saila
Inbentarioa	RF 2849
Jabea	Adolphe Pontillon ^(en) , Blanche Pontillon ^(en) eta Frantzia
Argumentu nagusia	maternal bond ^(en)
Historia
Erakusketak	1st impressionist exhibition ^(en)

Sehaska (Le berceau, frantsesez) Berthe Morisot emakume margolari inpresionistaren margolan ospetsua da. 1872an egina, familia giroko eszena jasotzen du. Gaur egun Parisko Orsay museoan ikus daiteke.

Deskribapena

Morisotek lan honetan bere arreba Edna Portillon haren alaba Blancheren loa zaintzen erakusten digu. Haurra bere sehaskan dago emakumea hari begira dagoen bitartean. Bi protagonistak oiha arinez inguratuta daude, gortinarena batetik, sehaska babesten duenarena, bestetik. Argia oihaletan eta emakumearen aurpegian zentratzen da. Ormen kolore ilunek, bestetik, gaua adierazten dute. Edna kaleko arropaz dago jantzita, soineko urdin batekin, dotore jantzita dago, alegia.

Historia

Margolana lehen aldiz 1874ko apirilaren 15ean ireki zen Erakusketa Inpresionistan erakutsia izan da. Erakusketa hau Parisen egin zen, Gaspard-Félix Tournachon argazkikariaren tailerrean, Capucines Boulevardena. Lanak ez zuen arrakasta handia izan; Morisotek 800 frantziar libera eskatu zituen haren truke^[1] baina, nahiz eta zenbait arte-kritikoen laudorioak jaso, lana saltzea ez zuen lortu. Sehaska Portillon familiaren ondarean gelditu zen. 1930ean Louvreko museoak erosi zuen. 1947tik 1986ra Galerie nationale du Jeu de Paumean erakutsi zen, Tuileriak lorategian; han Louvreko museoa Inpresionismoko lan nagusiak biltzen saiatu zen. Orsay museoa sortu zutenean margolana hara eraman zuten.

Azterketa

Claude Moneten Jean Monet bere sehaskan (Jean Monet dans son berceau, 1867, bilduma pribatua).

Sehaskan Morisotek lehenengo aldiz amatasun gai azaltzen du; hurrengo lanetan gaian sakonduko luke. Margolan honetan Édouard Maneten eragina nabaria da. Gogoratu behar da Morisotek Maneta Louvren ezagutu zuela, 1868an, eta haren anaiarekin, Eugènerekin, 1874an ezkondu zenla.

Konposizio honetan diagonal baten gainean eraiki dela oso garbi da, hau da, ama gaztearen begirada eta alabaren buruaren gainean eraikitako diagonalaren gainean. Diagonal hori ezkerreko besoaz indartu egitan da; azken hori, modu batez, haurraren besoak erantzuten dio.

Morisotek lan honetan kolore gutxi erabili zituen: zuria, arrosa, urdina... Pintzeladak arinak dira, bestetik. Margolanean dena da lasaitasuna, gozotasuna, babesa. Lan honekin, Claude Monetek egindako beste batzuekin, haurtzaroaren ikuspuntu berri bat landu zen.

Erreferentziak

1. Rewald, John (2007). Histoire de l'impressionisme. Paris: Hachette. 214.or. ISBN 9782012793743.

Kanpo estekak

• (Frantsesez) (Gaztelaniaz):Margolanaren fitxa Orsay Museoaren webgunean.

• Datuak: Q5966403
• Multimedia: Le Berceau, by Berthe Morisot / Q5966403