Alexandre Rosell i Feliu, ezagunagoa Sandro Rosell izenez, (Bartzelona, Katalunia, 1964ko martxoaren 6a) marketing arloko enpresaburu bat da. Bartzelonako Escola Superior d'Administració i Direcció d'Empreses eskolan Enpresa-Zientzietan lizentziatua eta Negozio Kudeaketetan Masterra du. Bere bizitza profesionala Myrurgia enpresan hasi zuen, ondoren 1992ko Bartzelonako Olinpiar Jokoen Batzorde Antolatzailearen nazioarteko marketing departamentura igaro zelarik. 2003 eta 2005 urteen artean Futbol Club Barcelona taldeko presidente-ordea izan zen. Kirol marketing-ean jarduten duen Bonus Sports Marketing, S.L. (BSM) enpresako jabea da. 2010eko uztailaren 1etik aurrera Futbol Club Barcelona taldeko presidentea izan da baina Neymar jokalari brasildarraren fitxaketaren harira Ogasunak ikerketa zabaldu du eta 2014ko urtarrilaren 23an Sandro Rosellek dimisioa aurkeztu du.
Kanpo estekak
