San Markos kantoia Gasteizko Alde Zaharraren ekialdeko mendi-magalean dago.
Aiztogile kalean hasten da eta Eskola kaleraino iristen da. 50 metroko luzera du eta desnibela 5 metrokoa da.
Kantoiaren bi alboetan eskailerak daude, erdialdean aldapa. Zoladura berritu gabe duen Alde Zaharreko kale bakarrenetarikoa da. Beheko aldean, Aiztogile kalean, iturri bat dauka.
Henrike Knörr eta Elena Martínez de Madina Salazarrek idatzitako “Toponimia de Vitoria I – Gasteizko toponimia I[1]” (Euskaltzaindia, 2009) liburuaren arabera, 1887ko urriaren 12an eman zitzaion egun duen izena kantoiari.