PROFILBARU.COM

Pello Errota
	; Pello Errota 1916an Irudi gehiago
Bizitza
Jaiotza	Asteasu, 1840ko abenduaren 23a
Herrialdea	Gipuzkoa, Euskal Herria
Heriotza	Asteasu, 1919ko otsailaren 3a (78 urte)
Familia
Seme-alabak	ikusi Mikela Elizegi; Joxepa Inaxi Elizegi;
Hezkuntza
Hizkuntzak	euskara
Jarduerak
Jarduerak	bertsolaria eta errotaria

Pedro Jose Elizegi Maiz (Asteasu, 1840ko abenduaren 23a - Asteasu, 1919ko otsailaren 3a)^[1], Pello Errota ezizenez, euskal bertsolaria izan zen. Bizibidez errotaria bazen ere, bertsoa lanbide osagarri gisa erabili zuen lehen bertsolarietakoa izan zen. Umoretsua eta plaza bertsolari bikaina izan zen, Euskal Herriak eman duen bertsolari on eta jorienetarikoa. 1895. urtean Argentinara joan zen, hara joandako euskaldunen aurrean kantatzera.

Mikaela Elizegi bere alabak Antonio Zavalari aitaren bizitzaren gorabeherak kontatu zizkion, eta Zavalak, elkarrizketa haiek grabaturik, Mikaelaren kontakizunak hitzez hitz idatziz jarri eta liburu batean argitaratu zituen: Pello Errotaren bizitza bere alabak kontatua.

Joxepa Inaxi Elizegi bertsolariaren aita ere bazen.

Bibkliografia

Pello Errotaren bizitza bere alabak kontatua, Antonio Zavalaren zuzenketekin, Auspoa 32.zk., 1963.^[2]
Mikela Elicegui-ren oroitzapenak, Emak Bakia bilduma, Pamiela, 1993. Aurrekoaren aukeraketa eta egungo idazkeran jasota.
Pello Errotak jarritako bertsoak bere alabaren argibideakin, Antonio Zavalaren zuzenketekin, Auspoa 33.zk., 1963.^[3]
Pello Errotaren itzala (Pello ta bere senide ta ondorengoen bertso-bilduma) , Antonio Zavalaren zuzenketekin, Auspoa, 1965.^[4]

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.