Pa...YaBilboko konpartsa da. 1989tikKonpartsen Federakundeko kidea da Otxarkoaga auzo bilbotarreko elkarte hau. Arbolantxan dauka lokala. Otxarkoagan dihardu, baina sortu Baionan sortu zen 1989an, Pa..Ya Peñaren barruan (BaionakoPatxa taldearekin adiskidetze jai batean sortu zen).[1][2]
Urtero Bilboko Aste Nagusian parte hartu izan dutenean txosna Arriaga antzokiaren gunean edukitzen dute.[3] Eta txosnan antolatu dituzte kontzertuak, txapelketak, bazkariak, umeei zuzendutako ekintzak, eta ekimen internazionalistak.[4]
Bestalde, aste nagusiaz gain, Otxarkoagako Justu eguneko jaia berriro antolatzen hasi ziren 1995ean, Arbolantxa auzoko memoria historikoa eta bertako euskararen bitartez bertako izaera berreskuratzeko. Auzo kontzientzia berrartuta, Justu egunean bertako baserrietako familiak biltzen dira.[5]
Bideo hau Ikusgela proiektuaren parte da. Bideoak dituzten artikulu guztiak ikus ditzakezu hemen klik eginez gero.Bilboko Aste Nagusiaren gaineko zortzi datu.
Bilboko Aste nagusiko txupineroak emakumezkoak eta konpartsaren bateko kideak izaten dira beti. 1999an eta 2019an Konpartsa honetako kide izan dira neska txupineroak:
1999: Arantza Garbaio.[6][7] Orduan preso politikoa zenez, txupineraren ekitaldi guztietan kartoizko irudi bat egoten zen bere ordez.[8]
