Nikolasa Atxika-Allende Iturri edo Nikolasa Atxikallende Iturri (Abiña baserria, Mundaka, Bizkaia, 1873ko apirilaren 19a - Bizkaia, 1951ko martxoaren 19a) Sabin Arana Goiriren emaztea izan zen. Sabin Aranak Nikole izenaz deitu ohi zuen. Garai hartan Euskal Herrian ohikoak ziren isilarazte eta beste hainbat hertsapen gordinki bizi izan zituen, bai eta espetxe-zigorra ere.[1]
Nikolasaren aita Jose Mari Atxikallende Errigoititik Sukarrietako Abiña baserrira ezkondu zen; han Sukarrietako alkate eta zinegotzia izan eta Sabin Aranarekin lur-sailak saltzeko tratuan ere ibili zen. Ama Maria Iturri zuen izena, Abiña baserrian jaioa.[2]
Nikolasa Sukarrietako Abiña baserrian jaio zen. Sabin Arana 1898ko urtarrilean Abiña baserrian ezagutu eta handik aurrera harremanean jarraitu zuten. 1900ko otsailaren 2an, 25 urte zituela, Sabin Aranarekin ezkondu zen. Aldiz, 1903ko azaroaren 25ean alargundu zen. Gerora, berriz ezkondu zen Eugenio Alegria Bilbao Sukarrietako kapitainarekin; hura ere, baina, hil egin zen 1918an gripeak jota.[1][3]
Erreferentziak
Ikus, gainera
Kanpo estekak
.jpg)
