PROFILBARU.COM

Artikulu hau New Age mugimenduari buruzkoa da; musika generoa gaitzat duena beste hau da: «New Age musika»

New Age (euskaraz: «Aro Berria») 1970eko hamarkadan mendebaldeko munduan azkar hazi ziren sinesmen eta praktika espiritual edo erlijioso batzuei aplikatutako terminoa da. Aro Berriaren definizio akademiko zehatzak ezberdinak dira aipatzen duten gaian, neurri handi batean bere egitura oso eklektikoaren ondorioz. Analitikoki, sarri, erlijiosoa dela uste den arren, bertan parte hartzen dutenek nahiago izaten dute espirituala edo garuna, gorputza, espiritua eta oso gutxitan erabiltzen dute New Age hitza. Gaiari buruzko aditu askok New Age mugimendu gisan aipatzen dute, nahiz eta beste batzuek terminoa zalantzan jarri eta Zeitgeist edo izpiritu bezala ikustea hobe dela iradokitzen duten.

Mendebaldeko esoterismo modu gisa, Aro Berria, neurri handi batean, tradizio esoteriko zaharrago batzuetan oinarritu zen, bereziki, XVIII. eta XIX. mendeetan garatu zen korronte okultistatik sortu zirenetan. Eragin okultista nabari horien artean daude Emanuel Swedenborg eta Franz Mesmerren lana, baita masoneria, espiritismoa, Pentsamendu Berria eta teosofiaren ideiak ere. XX. mendearen erdialdeko zenbait eraginek, 1950eko hamarkadako UFO erlijioak, 1960ko hamarkadako kontrakulturak eta Giza potentzialaren mugimenduak kasu, eragin handia izan zuten Aro Berriaren garapen goiztiarrean. Fenomenoaren jatorri zehatzak, oraindik ere, eztabaidagai dira, baina, akordio orokorra da 1970eko hamarkadan mugimendu garrantzitsu bihurtu zirela. Une horretan, batez ere Erresuma Batuan zentratuta zegoen. 1980 eta 1990eko hamarkadetan hedatu eta hazi zen, bereziki Ameriketako Estatu Batuetan. XXI. mendearen hasieran, New Age terminoa gero eta gehiago arbuiatu zen ingurune horretan, eta aditu batzuek diote fenomenoa amaitu zela.

Haren izaera oso eklektikoa den arren, eskuarki Aro Berrian aurkitzen diren sinesmen batzuk identifikatu dira. Teologikoki, Aro Berriak unibertso osoa inpregnatzen duen jainkotasun forma holistiko baten sinesmen bat hartzen du, gizakiak barne. Beraz, enfasi handia dago niaren aginte izpiritualean. Horrekin batera, gizatiarrak ez diren entitate erdi-dibinoen askotariko sineskera dago, hala nola aingeruak eta Antzinako Jakituriaren Maisuak, zeinekin gizakiek komunikatu ahal duten, bereziki kanalizazioaren bidez. Normalean, giza historia hainbat garaitan banatu ohi denez, Aro Berriaren sineste komun bat da gizateria aurrerapen teknologiko eta jakinduria izpiritual handiko garai batean bizi izan zen bitartean, degenerazio izpiritual garai batean sartu dela, Akuarioren Aroa ezarriz konponduko dena. Aro Berriaren izena hortik datorkio. Sendatzean ere ikuspegi sendoa dago, bereziki medikuntza alternatiboaren formak erabiliz, eta sinismen espiritualak eta zientzia bateratu daitezkeen ideian enfasia egiten dute.

Mendebaldeko herrialdeetan zentratuta, Aro Berriko partaideak batez ere klase ertain eta ertain-altukoak izan dira. New Agearen jarraitzaileek mugimenduan duten parte-hartze maila asko aldatzen da, Aro Berriko ideia eta praktika batzuk hartu zituztenetatik hasi eta bizitza erabat aldatu eta hari eskaini ziotenetaraino. Aro Berriak erakunde kristauen kritikak eragin ditu, baita komunitate pagano eta indigena modernoenak ere. 1990eko hamarkadatik aurrera, Aro Berria ikasketa erlijiosoetako akademikoen ikergai bihurtu zen.