Mongolia Katalunian argitaratzen den aldizkari satirikoa da. Paperean argitaratuta, Espainia osoan banatzen da. Lehenengo alea 2012ko martxoaren 23an plazaratu zen. Aldizkariaren lema hau da: "Revista satírica sin mensaje alguno" (Mezurik gabeko aldizkari satirikoa).[1]
Edukiak
Sortzaileen arabera Mongoliak aurretik zabaldutako beste aldizkari satirikoetan oinarritu zen, besteak beste, La Codorniz, Hermano Lobo, El Papus, Barcelona, The Clinic. Baita Monty Pythonen eragina ere onartzen dute.
Aldizkarian umorea nagusi bada ere, baita ere eduki politikoak eta ikerketako lanak jasotzen ditu.[2]
Sariak
Sortu zenetik sari ugari jaso ditu:
- 2013an, Europako Kazetarien Elkarteak giza-eskubideen defentsan egindako lana saritu zuen.
- 2014an, Museo Della Satira de Forti dei Marmi-k (Italia) aldizkari satiriko onenari saria eman zion.
- 2015ean, Cartelera Turia aldizkariak "Huevo de Colón" saria eman zion.
Beste aktibitateak
Aldizkaritik at, Mongolia aldizkariak beste ekimenak ere eraman ditu aurrera. 2013an zuzeneko espektakulua sortu zuen, Mongolia, el Musical. Jarraian Mongolia, el Musical 2.0 eta, 2018an, Mongolia sobre hielo. Espektakulu guztiek aldizkariaren espiritu ganberroa jasotzen dute.
Telebistan ere saio desberdinak egin dituzte. Espainiako laSexta katean, esaterako, "Al Rojo Vivo" saioan,[3] Informe Mongolia egin dute. Flooxer plataforman, bestetik, astero, Mongolia te lo explica saioa egiten dute.
Erreferentziak
