María del Carmen Aguayo Torres (Kordoba, Andaluzia, XX. mendea) telekomunikazio-ingeniaria da, Malagako Unibertsitateko katedraduna.
Kordoban jaio zen eta bertan egin zuen batxilergoa. 1994. urtean Malagako Unibertsitateko Telekomunikazio Ingeniaritzan lizentziatu zen.[1] Unibertsitate berean, telekomunikazio-ingeniaritzan doktoratu zen 2001ean, Modulación multiportadora adaptativa para canales selectivos en frecuencia con desvanecimientos izeneko tesiarekin.[2]
1995ean hasi zen lanean, Malagako Unibertsitateko komunikazio-ingeniaritzako sailean, eta gero sail horretako zuzendaria izan zen.[3][4] Unibertsitateko katedraduna izan zen 2017az geroztik, Telekomunikazio Eskolan, baita telematika eta telekomunikazio sareen masterreko koordinatzailea ere. 2022tik "Emakumea eta Teknologia Hedy Lamarr katedra" zuzendu zuen.[5][6][7]
Bere ikerketa komunikazio mugikorretan zentratu zen. [2] Bere lan-eremuan nazioarteko topaketak antolatzeaz gain, teknologia transferentziarekiko interesak hainbat proiektu eta I+G kontratutan kolaboratu zuen. [8] [9] . [10]