Marija Gimbutas (lituanieraz: Marija Gimbutienė eta jaiotzez Marija Birutė Alseikaitė; Vilnius, Lituania, 1921eko urtarrilaren 23a - Los Angeles, AEB, 1994ko otsailaren 2a) Neolitoan eta Brontze Aroan Europako kulturak ikertu zituen arkeologo lituaniar-amerikarra izan zen. Hizkuntzalaritza eta Mitologia uztartuz ikuspegi berriak sartu zituen arkeologiaren ikerkuntzan 1946 eta 1971 bitartean.
Indoeuroparren Brontze Aroaren gainean espezializatu zen, besteak beste Kurgan kultura ikertuta. Hala erakutsi zuen 1964ko Bronze Age Cultures of Central and Eastern Europe (Ekialde eta Erdi Europako Brontze Aroko kulturak) liburuan. Hizkuntzalaritza eta etnologia uztartuz, indoeuroparren eta aurre-indoeuroparren (indoeuroparren migrazioen aurretik Europan jada zeuden herriak) izaerak ikertu zituen. Haren ustez, Kurgan kulturako indoeuroparrak androkratikoak edo gizonak agindutako gizarteak ziren, eta aurre-indouerroparrak, berriz, matriarkatuak. Nolanahi ere, ikusmolde honek kritika ugari jaso ditu.
Kanpo estekak
