Larry Page

Larry Page
(2009) Irudi gehiago
Alphabet Inc.eko zuzendari exekutibo 2015eko abuztua - 2019ko abendua Googleko zuzendari exekutibo 2011ko apirilaren 4a - 2015eko abuztua Googleko zuzendari exekutibo 2000 - 2001 board of directors member ^(en) 1998 -
Bizitza
Jaiotza	East Lansing, 1973ko martxoaren 26a (51 urte)
Herrialdea	Ameriketako Estatu Batuak
Bizilekua	Palo Alto
Familia
Ezkontidea(k)	Lucinda Southworth
Haurrideak	ikusi Carl Victor Page, Jr. ^(en)
Hezkuntza
Heziketa	Michigango Unibertsitatea Zientziatan graduatua : Informatika Ingeniaritza Stanford Unibertsitatea Zientzietako Masterra : Informatika Interlochen Center for the Arts ^(en) East Lansing High School ^(en) (1987 - 1993)
Hizkuntzak	ingelesa
Jarduerak
Jarduerak	ekintzailea, informatikaria eta ingeniaria
Parte-hartzailea World Economic Forum Annual Meeting 2004 ^(en)
Enplegatzailea(k)	Google
Jasotako sariak	ikusi Marconi Prize  (2004) Seoul Test of Time Award  (2015) Fellow of the American Academy of Arts and Sciences Financial Times Person of the Year  (2005) Computer Pioneer Award  (2018)
Influentziak	Terry Winograd ^(en)
Kidetza	Arteen eta Zientzien Ameriketako Estatu Batuetako Akademia Ingeniaritzako Akademia Nazionala

Laurence E. "Larry" Page (Lansing (Michigan, AEB), 1973ko martxoaren 26a - ) Google bilatzailearen sortzaileetako bat da, Sergey Brinekin batera.

Ibilbidea

Wikimedia Commonsen badira fitxategi gehiago, gai hau dutenak: Larry Page

Larry Page 1972an jaio zen eta bere aitak, Michigango Estatu Unibertsitateko informatika irakasleak, txikitatik ordenagailuekiko zaletasuna irakatsi zion. Gaztetan zuen azkartasuna agerian jarriz, nerabe zela Lego eraikuntza-jokoan oinarrituta, injekzio-inprimagailu programagarria fabrikatu zuen. Aitaren bideari jarraituz, Informatika Ingeniaritzan lizentziatu zen Michiganen.

Pagek eta Brinek 1995eko udaberrian ezagutu zuten elkar, Stanfordeko Unibertsitateak bertako Informatikako doktoretzarako hautagaientzat antolatutako ekitaldi batean. Zenbait hilabete beranduago, unibertsitate horretarako liburutegi digitaleko proiektu batean lanean hasi ziren. Pagek web diseinua menderatzen zuen eta Brinek datuen tratamendua eta matematika. Biek elkarlanean, Interneten datuak bilatzeko algoritmoei buruzko azterketak hasi zituzten, Google bilatzailea bilakatuko zenaren lehen urratsa.^[1]

1998an Google formalki enpresa gisa osatu zutenean, Page bilakatu zen CEO edo zuzendari nagusia, eta formalki Brin presidentea izan zen, bainta tandem baten gisara kudeatu zuten enpresa hastapenetan. Enpresaren hazkundea eta fama azkarraren aurrean, kudeaketa profesionalago bat bilatu nahi izan zuten inbertsoreek, eta Pagek CEO lana utzi zuen Eric Schmidten eskuetan. Orduan Page enpresako produktuen presidentea bilakatu zen 2001eko apirilaz geroztik.

2011n berriro CEO bihurtu zen Schmidten ordez, txantxa eginez Twitterren, "nagusien gainbegirada jada ez zela beharrezkoa" esanez. Postu horretan jarraitu zuen 2015 arte, non Google kontsortzio handiago baten parte bilakatu zen, Alphabet Inc. delakoa bihurtuz, eta orduan Page izan zen Alphabereko CEO. 2019ko abenduaren 3an postu hori utzi zuen Sundar Pichairen mesedetan, eta harrezkero ez du Googlen edo bere enpresa multzoan funtzio exekutibo zuzenik.

• Datuak: Q4934
• Multimedia: Larry Page / Q4934

1. Simancas, Pepe. (2005). Larry Page eta Sergey Brin, urre bilatzaileak. Gipuzkoa.eus.