Greziar mitologian, Krio (antzinako grezieraz Κρίος Kríos,, "aharia", "nagusia"), artalde eta animalia aldren jainkoa zen, eta, beharbada, baita arpilaketena ere. Titanetako bat zen, Urano eta Gearen semeetako bat, hauetatik, gutxien bakartuena.
Titanen eta olinpiar jainkoen arteko gerran, Titanomakian parte hartu zuen. Olinpiar jainkoen buru zen Zeusek, Geari laguntza eskatu eta honek, Ziklopeak eta Hekatonkiroak askatu behar zituela esan ondoren, Titanak garaituak izan ziren, eta Krio, bere anaiekin batera, Tartarora bota zuten, behe munduko tokirik sakonena.
