KAE Ligako 2021eko denboraldia

2021eko KAE Liga

Getariak laugarren aldiz irabazi zuen KAE Liga eta lehenengoz TKE Ligara igo zen Kaikurekin batera.
Datu orokorrak
Antolatzailea	Kantauriko Arraun Elkartea
Partaideak	23 talde (13+10)
Estropadak	27 estropada (15+12)
Hasiera	2021eko ekainaren 19a
Amaiera	2021eko abuztuaren 22a
Palmaresa
Txapelduna	Getaria (11,53 p.)
Txapeldunordea	Kaiku (11,13 p.)
Ohorezko tx.	Pedreña (10,93 p.) San Pedro (9,92 p.)
Jaitsiera	Astillero (2,67 p.) Lapurdi (2,29 p.)
← 2020	2022 →

KAE Ligako 2021eko denboraldia KAE Liga arraun lehiaketaren hamaseigarren denboraldia izan zen. Bi mailako txapelketak ekainaren 19n hasi ziren Pasaian, eta abuztuaren 21ean (bigarren maila) eta 22an (lehen maila) bukatu ziren Hondarribiko eta Bilboko uretan hurrenez hurren; guztira, 27 estropada jokatu ziren^[1]. 2021ekoa lehiaketa ez-ohikoa izan zen, COVID-19 pandemiak zenbait estropada baldintzatu baitzituen; esate baterako, lehenengo mailan lau ontzik ezin izan zuten arraun egin astebururen batean. Aurreko denboraldian TKE Ligan arraun egiteko aukera galdu ostean, Pedreña eta San Pedro elkarteak igoera play-offa jokatzeko txartela lortzen saiatu ziren berriro. Lehian lehen mailatik jaitsitako Kaiku eta KAE 2 mailatik igotako Castro eta Lapurdi elkartu zitzaizkien^[2]. Guztira, 23 ontzi aritu ziren txapelketan, 13 lehen mailan eta 10 bigarrenean^[3].

Denboraldi honetako txapeldun nagusia Getariako Arraun Elkartea izan zen. Guztira, 11,53 puntuko batezbestekoa eta 5 bandera eskuratu zituzten gipuzkoarrek, horietatik 2 beraien herriko estropadetan. Txapeldunordea, berriz, Kaiku Arraunaren Kirol Elkartea izan zen. Bizkaitarrek lehiaketaren bigarren zati paregabea egin zuten Jose Luis Korta entrenatzailearekin^[4], eta 6 bandera eta 11,13 puntuko batezbestekoa lortu zuten. Bi ontziak, gainera, azkarrenak izan ziren irailaren 18an eta 19an jokatu zen igoera play-offean eta hurrengo denboraldian lehen mailan arituko dira^[5]. Bestetik, ohorezko txanda Pedreñak eta San Pedrok osatu zuten; kantabriarrek 2 bandera eskuratu zituzten, sanpedrotarrek 1, eta seigarren egin zuen San Juanek beste 1^[6].

Sailkapenaren beheko aldean, bestetik, Lapurdik (2,29 puntu) eta Astillerok (2,67) maila galdu zuten. Lapurtarrak ligako motelenak izan ziren eta lortutako emaitza onenak bi 10. postu baino ez ziren izan. Kantabriarrek, aldiz, beherakada handia izan zuten denboraldiaren amaieran eta 15 estropadetatik 7tan azken postuan gelditu ziren^[6].

Azkenik, bigarren mailari dagokionez, Busturialdea Arraun Elkarteak nagusitasun osoz irabazi zuen txapelketa eta hurrengo denboraldian lehenengo mailan arituko da Hondarribiaren bigarren ontziarekin batera^[6].

Lehenengo maila

Partaideak

Guztira, 13 elkarte izan ziren hamaseigarren denboraldian parte hartu zutenak; horietatik 5 gipuzkoarrak izan ziren, 4 kantabriarrak, 3 bizkaitarrak eta lapurtar 1^[3]. Aurreko denboraldiarekin alderatuz gero, berritasuna Kaiku, Castro eta Lapurdi elkarteen parte hartzea izan zen. Bizkaitarrak 2020ko denboraldian azken postuan gelditu ziren TKE Ligan eta mailaz jaitsi behar izan zuten^[7]. Kantabriarrak eta lapurtarrak, aldiz, lehenengo bi postuak lortu zituzten KAE Ligako 2020ko denboraldian; beraz, lehen mailan arraun egiteko txartelak eskuratu zituzten^[2].

• Orio Kantauri itsasoa • Zumaia • Arkote • Getaria • Camargo • Kaiku • Deustu • Astillero • S.Juan • S.Pedro • Pedreña • Lapurdi • Castro

Kolorea	Izena	Arraun Elkartea	Trainerua	Entrenatzailea	Udalerria (Herrialdea)	2020
	Arkote	Arkote Arraun Taldea	Plentzitarra	Gorka Etxeberria	Plentzia (Bizkaia)	5.a
	Astillero	Sociedad Deportiva de Remo Astillero	San José XV	Vasile Matei	El Astillero (Kantabria)	10.a
	Camargo	Club de Remo Valle de Camargo	Virgen del Carmen	Pedro Gabancho	Camargo (Kantabria)	7.a
	Castro	Sociedad Deportiva de Remo Castreña	La Marinera	Enrique Vitoria	Castro Urdiales (Kantabria)	1.a (KAE2)
	Deustu-Bilbo	Deustu Arraun Taldea	Tomatera	Alexander Esteban	Deustu, Bilbo (Bizkaia)	4.a
	Getaria	Getariako Arraun Elkartea	Esperantza	Jon Larrañaga	Getaria (Gipuzkoa)	3.a
	Kaiku	Kaiku Arraunaren Kirol Elkartea	Bizkaitarra	Jose Luis Korta	Sestao (Bizkaia)	12.a (TKE)
	Lapurdi	Lapurdiko Arraun Taldea	Xubero	Aitor Artetxe	Donibane Lohizune (Lapurdi)	2.a (KAE2)
	Orio B	Orio Arraunketa Elkartea	San Nikolas	Anjel Mari Larrañaga	Orio (Gipuzkoa)	9.a
	Pedreña	Sociedad Deportiva de Remo Pedreña	Seve Ballesteros	Joseba Fernandez	Pedreña, Marina de Cudeyo (Kantabria)	1.a
	San Juan	Pasai Donibane Koxtape Arraun Elkartea	Erreka	Endika Zaldua	Donibane, Pasaia (Gipuzkoa)	6.a
	San Pedro	Sanpedrotarra Arraun Elkartea	Libia	Mikel Arostegi	San Pedro, Pasaia (Gipuzkoa)	2.a
	Zumaia	Telmo Deun Arraun Kirol Elkartea	Telmo Deun	Iñaki Larrañaga	Zumaia (Gipuzkoa)	8.a

Estropadak

Denboraldi honetan 15 estropada eta bandera izan ziren jokoan^[1].

Z.	Izena	Lekua	Data	Txapelduna
1.	Pasaiako XXXVI. Ikurrina	Pasaia, Gipuzkoa	2021eko ekainaren 19a		San Pedro
2.	Andoni Galarragaren Oroimen Estropada	Getaria, Gipuzkoa	2021eko ekainaren 20a		Getaria
3.	V. Adegi Bandera	Pasaia, Gipuzkoa	2021eko ekainaren 27a		Kaiku
4.	Donibane Lohizuneko XXIX. Estropada	Donibane Lohizune, Lapurdi	2021eko uztailaren 3a		San Juan
5.	Sestaoko Udaleko XX. Bandera	Sestao, Bizkaia	2021eko uztailaren 4a		Pedreña
6.	Camargoko Udaleko XXIX. Bandera	Camargo, Kantabria	2021eko uztailaren 10a		Getaria
7.	Zumaiako XXXVI. Ikurrina	Zumaia, Gipuzkoa	2021eko uztailaren 17a		Getaria
8.	Orio Kanpiña III. Bandera	Orio, Gipuzkoa	2021eko uztailaren 18a		Pedreña
9.	Marina de Cudeyo XVI. Bandera	Marina de Cudeyo, Kantabria	2021eko uztailaren 24a		Kaiku
10.	XXVII Bandera del Real Astillero de Guarnizo	El Astillero, Kantabria	2021eko abuztuaren 7a		Kaiku
11.	Getariako XII. Estropada	Getaria, Gipuzkoa	2021eko abuztuaren 8a		Getaria
12.	XLIX Bandera Ciudad de Castro Urdiales	Castro Urdiales, Kantabria	2021eko abuztuaren 14a		Getaria
13.	ETE-Ciudad de Castro Urdiales	Castro Urdiales, Kantabria	2021eko abuztuaren 15a		Kaiku
14.	Plentziako XXXII. Ikurrina	Plentzia, Bizkaia	2021eko abuztuaren 21a		Kaiku
15.	Regata Villa de Bilbao	Bilbo, Bizkaia	2021eko abuztuaren 22a		Kaiku

Sailkapena

Emaitza	Arraun Elkartea	Puntuak	1	2	3	4	5	6	7	8	9	10	11	12	13	14	15	Banderak	Lorpena
1.	Getaria	11,53	8	13	9	12	11	13	13	9	12	11	13	13	12	12	12	5	Igoera play-offa
2.	Kaiku	11,13	9	12	13	7	12	10	8	12	13	13	11	8	13	13	13	6
3.	Pedreña	10,93	11	10	6	11	13	12	11	13	11	12	12	12	10	10	10	2	Ohorezko txanda
4.	San Pedro	9,92	13	11	12	10	9	7	12	11	10	-^1	-^1	11	9	7	7	1
5.	Arkote	9,40	12	6	7	8	10	11	10	10	9	10	10	10	6	11	11	-
6.	San Juan	8,73	10	8	10	13	5	9	9	8	8	9	8	9	7	9	9	1
7.	Deustu-Bilbo	8,58	7	9	11	9	8	8	-^1	-^1	-^1	8	9	7	11	8	8	-
8.	Zumaia	5,85	5	7	8	6	7	6	7	-^1	-^1	5	5	5	5	6	4	-
9.	Orio B	5,00	3	5	4	5	6	5	4	5	7	6	7	4	4	4	6	-
10.	Castro	5,00	1	3	5	3	4	4	5	7	6	7	6	6	8	5	5	-	Jaitsiera play-offa
11.	Camargo	3,38	6	4	3	2	2	2	6	6	4	-^1	-^1	1	3	3	2	-
12.	Astillero	2,67	4	2	2	4	1	3	3	4	5	3	3	3	1	1	1	-	2022ko KAE-2 Liga
13.	Lapurdi	2,29	2	1	1	1	3	1	-^1	3	3	4	4	2	2	2	3	-

¹ Camargo, Destu-Bilbo, San Pedro eta Zumaia elkarteak ezin izan ziren lehian aritu jardunaldiren batean edo hainbatetan taldean COVID-19 positibo bat izateagatik. Araututakoaren arabera, kale egin zuten estropadetan ez zuten punturik jaso eta denboraldia amaitu zenean batezbesteko emaitza kalkulatu zitzaien.

Jaitsiera/Igoera play-offa

Kanporaketa honetan lau ontzik parte hartu zuten: denboraldia 10. eta 11. postuan amaitu zuten elkarteek, Castrok eta Camargok; eta bigarren mailako 2. eta 3. ontzi azkarrenek, Portugaletek eta Hondarribia Bk^[6]. Bestalde, Getariak eta Kaikuk TKE Ligako kanporaketan igoera lortu zutenez^[5], jaitsiera/igoera play-off honetan lau ontzietatik hiruk eskuratu zuten 2022ko denboraldian lehen mailan parte hartzeko txartela.

Kolorea	Izena	Arraun Elkartea	Trainerua	Entrenatzailea	Udalerria (Herrialdea)	Emaitza
	Camargo	Club de Remo Valle de Camargo	Virgen del Carmen	Pedro Gabancho	Camargo (Kantabria)	11.a (KAE)
	Castro	Sociedad Deportiva de Remo Castreña	La Marinera	Enrique Vitoria	Castro Urdiales (Kantabria)	10.a (KAE)
	Hondarribia B	Hondarribia Arraun Elkartea	Ama Guadalupekoa	Gonzalo Carrión	Hondarribia (Gipuzkoa)	3.a (KAE2)
	Portugalete	San Nikolas Arraun Taldea	Jarrillera	Jaime Ríos	Portugalete (Bizkaia)	2.a (KAE2)

Emaitza	Arraun Elkartea	Puntuak	1. estrop.	Lorpena
1	Castro	4	4	2022ko KAE-1 Liga
2	Camargo	3	3
3	Hondarribia B	2	2
4	Portugalete	1	1	2022ko KAE-2 Liga

Bigarren maila

Partaideak

Guztira, 10 elkarte izan ziren bigarren mailan parte hartu zutenak; horietatik 6 gipuzkoarrak izan ziren, 3 bizkaitarrak eta kantabriar 1^[2]. Aurreko denboraldiarekin alderatuz gero, berritasun nagusia lehen mailatik jaitsi zen Donostiarraren bigarren traineruaren parte hartzea izan zen. Bestetik, sei denboraldi itsasoratu gabe igaro ostean, Illunbe Kirol Elkarteak ontzia osatzea lortu eta lehiaketara bueltatu zen Deusturen bigarren traineruarekin batera^[8]. 2020ko denboraldian arraun egin zuten Actividades Náuticas Castro eta Santurtzi B, aldiz, lehorrean gelditu ziren^[9].

• Hibaika • Zarautz • Santoña • Hondarribia • Deustu • Donostia • Trintxerpe • Portugalete • Mutriku • Busturialdea Kantauri itsasoa

Kolorea	Izena	Arraun Elkartea	Trainerua	Entrenatzailea	Udalerria (Herrialdea)	2020
	Busturialdea	Busturialdea Arraun Elkartea	Artarri	Luis Ángel Salvador	Elantxobe (Bizkaia)	5.a
	Deustu B	Deustu Arraun Taldea	Tomatera	Gerardo Ranero	Deustu, Bilbo (Bizkaia)	-
	Donostiarra B	Kaiarriba Arraun Elkartea	Torrekua II	Rufo Urtizberea	Donostia (Gipuzkoa)	11.a (KAE)
	Hibaika	Hibaika Arraun Elkartea	Madalen	Imanol Cascante	Errenteria (Gipuzkoa)	8.a
	Hondarribia B	Hondarribia Arraun Elkartea	Ama Guadalupekoa	Gonzalo Carrión	Hondarribia (Gipuzkoa)	3.a
	Mutriku	Mutriku Arraun Taldea	Mutriku	Jacinto Salinas	Mutriku (Gipuzkoa)	6.a
	Portugalete	San Nikolas Arraun Taldea	Jarrillera	Jaime Ríos	Portugalete (Bizkaia)	4.a
	Santoña	Club de Remo Santoña	Virgen del Puerto	José Antonio Cuero	Santoña (Kantabria)	11.a
	Trintxerpe	Illunbe Kirol Elkartea	Azkuene	Antonio Da Silva	Trintxerpe, Pasaia (Gipuzkoa)	-
	Zarautz B	Zarautz Arraun Elkartea	Enbata	Alexander Orena	Zarautz (Gipuzkoa)	10.a

Estropadak

Denboraldi honetan 12 estropada eta bandera izan ziren jokoan^[1].

Z.	Izena	Lekua	Data	Txapelduna
1.	Pasaiako XXXVI. Ikurrina	Pasaia, Gipuzkoa	2021eko ekainaren 19a		Hondarribia B
2.	Elantxobeko XXXIII. Traineru Estropada	Elantxobe, Bizkaia	2021eko ekainaren 27a		Busturialdea
3.	Mutrikuko V. Yurrita Group Bandera	Mutriku, Gipuzkoa	2021eko uztailaren 3a		Portugalete
4.	Kaiarriba Donostiarrako XI. Ikurrina	Donostia, Gipuzkoa	2021eko uztailaren 10a		Busturialdea
5.	XXXIX Bandera Noble Villa de Portugalete	Portugalete, Bizkaia	2021eko uztailaren 18a		Portugalete
6.	Errenteria Hiria VIII. Ikurrina	Pasaia, Gipuzkoa	2021eko uztailaren 24a		Busturialdea
7.	I Ikurriña de Promoción Remo en Bilbao	Bilbo, Bizkaia	2021eko uztailaren 31		Busturialdea
8.	LI Bandera Excelentísimo Ayuntamiento de Santoña	Santoña, Kantabria	2021eko abuztuaren 1a		Portugalete
9.	Trintxerpeko Bandera	Pasaia, Gipuzkoa	2021eko abuztuaren 7a		Mutriku
10.	Zarautz Arraun Elkartean XII. Ikurrina	Zarautz, Gipuzkoa	2021eko abuztuaren 14a		Busturialdea
11.	ETE-Ciudad de Castro Urdiales	Castro Urdiales, Kantabria	2021eko abuztuaren 15a		Donostiarra B
12.	Hondarribiko Arrantzaleen Kofradiako XV. Bandera	Hondarribia, Gipuzkoa	2021eko abuztuaren 21a		Busturialdea

Sailkapena

Emaitza	Arraun Elkartea	Puntuak	1	2	3	4	5	6	7	8	9	10	11	12	Banderak	Lorpena
1.	Busturialdea	8,75	6	10	9	10	8	10	10	9	9	10	4	10	6	2022ko KAE Liga
2.	Portugalete	8,00	9	8	10	8	10	7	7	10	8	6	8	5	3	Igoera play-offa
3.	Hondarribia B	7,17	10	3	7	9	4	9	9	7	7	9	5	7	1
4.	Mutriku	6,58	5	9	6	4	7	5	5	8	10	7	9	4	1	Ohorezko txanda
5.	Donostiarra B	6,42	8	7	5	6	1	8	8	4	6	5	10	9	1
6.	Deustu B	5,83	4	6	8	7	9	6	6	6	5	4	3	6	-
7.	Zarautz B	5,33	7	4	4	5	5	4	4	5	3	8	7	8	-
8.	Hibaika	3,82	3	5	3	3	6	4	3	3	4	3	6	3	-
9.	Santoña	2,17	2	2	2	2	3^1	3	2	2	2	2	2	2	-
10.	Trintxerpe	1,11	1	1	1	1	2	-^2	-^2	-^2	1	1	1	1	-

¹ Santoñak 3 segundoko zigorra jaso zuen palekin kolpea jotzeagatik^[10].
² Trintxerpeko ontzia ez zen hiru jardunalditan itsasoratu.

Erreferentziak

1. ↑ "2021eko egutegia". Kantauriko Arraun Elkarteko Liga. 2021.06.26
2. ↑ "2020ko emaitzak", Kantauriko Arraun Elkarteko Liga. 2022.01.02
3. ↑ "2021eko elkarteak". Kantauriko Arraun Elkarteko Liga. 2021.06.26
4. "Jose Luis Korta Kaikura itzuli da taldeari laguntzera". Berria. 2022.01.02
5. ↑ "Tolosaldea Euskotren Ligan arituko da; Getaria eta Kaiku, Eusko Label Ligan". Eitb.eus. 2022.01.02
6. ↑ "2021eko emaitzak". Kantauriko Arraun Elkarteko Liga. 2022.01.02
7. "Hondarribia lider da Aresko bandera irabazita, eta Kaikuk maila galdu du". Eitb.eus. 2022.01.02
8. "2021ean trainerua aterako du Trintxerpe-Illunbek". Oarsoaldeko Hitza. 2022.01.02
9. "2020ko elkarteak". Kantauriko Arraun Elkarteko Liga. 2022.01.02
10. "XXXIX Bandera Noble Villa de Portugalete". Kantauriko Arraun Elkarteko Liga. 2022.01.02

Ikus, gainera

• KAE Liga
• TKE Ligako 2021eko denboraldia
• GT Ligako 2021eko denboraldia

Kanpo loturak

• KAE Ligaren webgunea