Hezkuntza giza eskubidea, ondasun publikoa eta erantzukizun kolektiboa da.
Nazio Batuen Batzar Nagusiak Hezkuntzaren Nazioarteko Eguna bezala aldarrikatu zuen urtarrilaren 24a, hezkuntzak bakean eta garapenean betetzen duen papera ospatzeko.
Guztientzako kalitatezko hezkuntza inklusibo, banaketa zuzenik gabe eta bizitza osorako ikasteko aukerarik gabe, herrialdeek ez dute genero berdintasuna lortuko, eta ezingo dute milioika haur, gazte eta heldu atzean uzten dituen pobreziaren zikloa hautsi[4].
Hezkuntzaren Nazioarteko Eguna ospatzen dugu hezkuntza-zentroen lana aurrekaririk gabeko neurrian eta larritasunean eragin duen pandemiaren garaian. Ikastetxeen, unibertsitateen eta beste ikastegi batzuen itxierak 1.600 milioi ikasleri eragin die 190 herrialde baino gehiagotan. Hasi berri den urte berrian, egin dezagun lan batera hezkuntza eta etengabeko ikaskuntza susperraldiaren eta gizarte inklusiboago, seguruago eta jasangarriagoa lortzeko eta eraldaketaren erdigunean kokatzeko.
Hezkuntza indartzea helburu duen elkartasun izpiritu honetan, UNESCOk eta bere kideek "Learning Planet" (Ikasteko Planeta) jaialdia abiarazi dute testuinguru guztietan ikaskuntza ospatzeko, sistema berritzaileak partekatzeko eta ikasle bakoitzaren potentziala garatzeko, bere egoera edozein dela ere. “Printze Txikiarekin elkarrizketa” idazlan-lehiaketako irabazleak ere jakinaraziko dira.
Hezkuntzarako eskubidea Giza Eskubideen Adierazpen Unibertsalean ere jasota dago, 26. artikuluan, eta, bertan, honako puntu hauek garatzen dira:
1. Pertsona orok du hezkuntzarako eskubidea. Hezkuntza doakoa izan behar du, oinarrizko eta funtsezko irakaskuntzari dagokionez behintzat. Oinarrizko irakaskuntza derrigorrezkoa izango da. Irakaskuntza teknikoa eta profesionala orokortu egin beharko da; goi-mailako ikasketetarako sarbidea guztientzat berdina izango da, dagozkien merezimenduen arabera.
2. Hezkuntzaren helburua giza nortasunaren garapen osoa eta giza eskubideen eta oinarrizko askatasunen errespetua sendotzea izango da; nazio guztien eta talde etniko edo erlijioso guztien arteko ulermena, tolerantzia eta adiskidetasuna sustatuko du, eta, bakea mantentzeko, Nazio Batuen jardueren garapena bultzatuko du.
3. Gurasoek aldez aurretiko eskubidea izango dute seme-alabei emango zaien hezkuntza mota hautatzeko.