Guillermo David Endara Galimany (Panama Hiria, 1936ko maiatzaren 12a - Panama Hiria, 2009ko irailaren 28a) panamar politikaria eta legegizona izan zen. Errepublikako presidente izan zen 1989tik 1994ra.
Bizitza
Hiritar Oposizioko Aliantza Demokratikoko buru zela, irabazletzat hartu zuen bere burua 1989ko lehendakaritzarako hauteskundeetan (estatubatuar ikuskariek emaitza hura ontzat hartu eta gero), baina Manuel Antonio Noriega jeneralak balio gabe utzi zituen hauteskunde haiek. Urte hartan bertan, Errepublikako lehendakaritza hartu zuen, Estatu Batuetako base batean kargua zin egin ondoren. 1990ean, Defentsa Indarrak ezeztatu zituen eta erakunde berri bat sortu zuen, Polizia Nazionala hain zuzen. Agintaldian egon zen bitartean, bidegabekeria hazi egin zen, baita herrialdearen pobretasun-maila ere. 1992an egin zen erreferendum batean, ez ziren onartu Endarak konstituziorako proposatzen zituen erreformak. 1994an amaitu zen bere agintaldia. Ernesto Pérez Balladares izan zen haren ondorengoa.
Erreferentziak
