Gabriel Miró Ferrer (Alacant, 1879ko uztailaren 28a - Madril, 1930eko maiatzaren 27a) espainiar idazlea izan zen.
Bizitza
Orihuelan zuzenbide ikasketak egin zituen, eta ondoren administrazio karguak izan zituen Alacanten, Bartzelonan eta Madrilen. Diario de Barcelona eta La Vanguardia egunkarietan idatzi zuen. Literatura hizkuntzaren eraberritzaile handia izan zen. Eleberri laburrak eta prosa poetikoa idatzi zuen, batez ere. 1926an, El obispo leproso («Gotzain legenduna») eleberria idatzi zuen, bere lanik garrantzitsuena. Valentziaren hegoaldean kokatzen ditu Mirók kontakizunak, Oleza izeneko herrian (Orihuela). Berak estanpak deitu zuen generoa ere landu zuen. Bertan, inpresioak kontatzen dira deskribaketa labur batzuetan. Halakoa da adibidez El humo dormido (1919, «Ke lokartua»). Hiru liburu idatzi zituen Sigüenza ezizenez: Del vivir (1904), Años y leguas (1928) eta Libro de Sigüenza (1952).
Erreferentziak
Kanpo estekak
