Firoza Begum (bengaleraz: ফিরোজা বেগম; Faridpur, 1930eko uztailaren 28a[1] – Dhaka, 2014ko irailaren 9a) bangladeshtar abeslaria izan zen, Nazrul Geeti (Kazi Nazrul Islamen abestiak) kantatzeagatik ezaguna[2].
Bizitza
Mohammad Ismail eta Begum Kowkabunnesaren alaba[2] eta Mohammad Asafuddowla musikagilearen arreba[3], Firoza Begum 1930eko uztailaren 28an jaio zen Gopalganj barrutian[4]. Umetan musikarekiko interesa piztu zitzaion[2], eta 1940ko hamarkadan abeslari ibilbidea hasi zuen[5].
Seigarren mailan ikasten ari zela, All India irratian abestu zuen. 10 urterekin Kazi Nazrul Islam poeta nazionala ezagutu zuen. 1942an, lehen abesti islamiarra grabatu zuen HMV diskoetxearentzat. Harrezkero, 20 disko baino gehiago kaleratu zituen. 1954tik Kalkutan bizi izan zen, 1967an Dhakara joan zen arte[2].
1956an, Kamal Dasgupta (1911-1974) musika zuzendari, musikagile eta artistarekin ezkondu zen. Haien hiru semeetatik bi, Hamin Ahmed eta Shafin Ahmed, musikariak bihurtu ziren baita ere[2].
Firoza Begum 2014ko irailaren 9an hil zen Dhakako Apollo ospitalean, bihotzeko eta giltzurrunetako arazoen ondorioz[2].
Sariak
- Independentziaren Egunaren Saria (1979)
- Netaji Subhash Chandra saria
- Satyajit Ray saria
- Nasiruddin urrezko domina
- Bangladeshko Shilpakala Akademiaren Urrezko Domina
- Nazrul Sangeet abeslari onenaren saria
- Nazrul Akademiaren Saria
- Churulia Urrezko Domina
- CBS, Japan-en Urrezko Diskoa
- Sheltech saria (2000)[6]
- Meril-Prothom Alo Lifetime saria (2011)[7]
Ondarea
- 2016an, Dhakako Unibertsitateak Feroza Begum urrezko domina aurkeztu zuen[8].
- 2018ko uztailaren 28an, Googlek doodle bat eskaini zion[9].
Erreferentziak
Kanpo estekak
