Elena González Iglesias (Avilés, Asturias, 1991ko urriaren 16a) asturiar aktore, kazetari, dantzari eta modeloa da. Ezaguna egin zen Acacias 38 telenobelan Blanca Dicenta-ren rola interpretatzeagatik.
Elena González 1991ko urriaren 16an jaio zen Avilesen, Asturiasen (Espainia), eta antzezteaz gain, kazetaritzan ere aritzen da. Gaztelania ez ezik ingelesa ere menderatzen du.[1][2][3]
Elena Gonzálezek 2010ean Lope de Vegaren El castigo sin venganza, William Shakespeareren Macbeth eta Tennessee Williamsen Un tranvia llamado deseo egin zituen, denak ESDAD-en antzeztuak.[4] 2011n, El caso de Roshak film laburrean Sararen paperarekin agertu zen lehen aldiz pantaila txikian.[5] Urte berean egin zituen Así hacen todas Demente antzokian eta Seré la lluvia y tus orgasmos lanak.[6]
2012an, arte dramatikoko ikasketak amaitu eta berehala, Madrilera joan zen bizitzera.[7] 2013. urtean– Jean-Paul Sartreren Las moscas lanaren protagonista izan zen, Salmón antzokian eszenaratua. 2014. urtean, Amar es para siempre telenobelan María Linares-en papera interpretatu zuen.[8][9] Urte berean Julia izan zen Rakesh B. Narwanik zuzendutako Clóset film laburrean.[10]
2015ean La que se avecina telesaileko Mel izan zen. 2015. eta 2016. urteetan Hércules izeneko musikaleak lan egin zuen. 2016. urtean Centro médico seriearen eta Maloyk zuzendutako A Real Man film laburrean lan egin zuen. Urte berean, Maloyren No te sientas obligado bideoklipean parte hartu zuen. 2017an, Santos Ruanok zuzendutako Ego-Sum filma, eta Andrés Menéndezek zuzendutako Escupitajo film laburra egin zituen.[1]
2017an eta 2018an, La 1 kateko Acacias 38 telenobelaren Blanca Dicentaren papera egiteko aukeratu izan zuen. Telenobela horretan Blanca pertsonaia Ursularen (Montserrat Alcoverrok antzeztutakoaren) alaba zen eta Diego Aldayrekin (Rubén de Eguiak interpretatua) maitasun-harremana izan zuen. 2018an, Maite Criadoren papera interpretatu zuen Arde Madrid seriean.[11][12][10][13][14]
2019tik 2021era Tabu antzerki-lanean parte hartu zuen, Madrileko Nave 73ean egina.[15] 2020an La 2 es teatro (Esmeralda erreginaren paperean) eta Skam España seriean ikasketaburu baten papera egin zuen. Urte berean, Carmen de Burgosen papera bete zuen Pioneras izeneko serie txikian.
2020an eta 2021ean, Conca interpretatu zuen 30 monedas seriean.[16] 2021ean, Albaren papera interpretatu zuen Egoitz D. Ibargoitiak zuzendutako Santa Era film laburrean.