Done Petri eliza Erronkariko ibaxako Bidankoze udalerrian XIII. mendeko kristiau eliza bat da.
1200 inguruko Erdi Aroko elementuak mantentzen dituen eraikuntza da, hala nola arku zorrotzeko atea eta dorrea, nahiz eta XVI. mendean egindako berrikuntza garrantzitsu batek eraldatu egin zuen. Une horretakoa da estalki izartua, bola-mentsulekin eta burualde poligonalarekin. Eraikuntzaren bilakaera hori argi eta garbi ikusten da kanpoaldean, dorrea habeartearekiko mugituta.
Barrualdean erretaula barroko interesgarriak daude, estilo honen bilakaera maila artistikoarena baino gehiago erakusten dutelako. Done Frantzeitz Xabierrekoa erretaula eta Kristoren erretaula, biak XVII. mendearen erdialdekoak, lehen Barrokoa deiturikoaren adibide dira, oraindik ere manieristarekin batera. Guztiz barrokoa da erretaula nagusia, eta mazoneria landarez josita dago, XVIII. mende hasierakoa. Azkenik, Barrokoaren azken etapa, Errokoko izenez ere ezaguna, Arrosarioko erretaulan dago, XVIII. mendearen amaieran datatu daitekeena.