Dermatitisa azalaren hantura da, eta maskuiloak, gorritzea, supurazioak, kostrak eta azkura eragiten ditu.
Dermatitis atopikoa
Dermatitis atopikoa bularreko haurretan agertzen diren lesio eritematoso-besikulosoak dira, oso pruriginosoak; batez ere aurpegian, larruazaleko tolesetan kokatuak (ukondoan, belaun atzean, garondoan, belarrien atzealdean) eta heda daitezke. Haurraren familian alergia-kasuak agertu ohi dira. Lesioak garatuz doaz: tratamenduari esker, gutxitu edota desagertu egin ohi dira. Ekzema konstituzional hau askotan ekzema alergiko izendatzen da horregatik, baina etiologia ez dago batere argi oraindik.
Sintomatologia
Inguruneko faktoreek larriagotu dezakete: sintomak lehortasuna, urarekin ukipena, tenperaturaren aldaketak eta estresa.
Higienea asko zaindu behar dute dermatitisa dutenek, azala zaindu behar dutelako.
Maiztasuna: dermatitis duten pertsonak egunero dutxatu beharko lirateke, baina ez bainatu.
Dutxa: dutxan azala denbora gutxiagoan dago kontaktuan urarekin, orduan, bainua baino hobea da.
Bainua: ez da 15 minutu baino gehiagokoa izan behar. Eta urarekin batera olio bereziak erabili daitezke.
Xaboiak eta gelak: betiko xaboiek azala gorritu dezakete.
hidratazioa: sikatzeko ez da asko igurtzi behar, eta ondoren, komenigarria da olio edo kremak ematea.
Izerdia: kirola egin ondoren edo izerdi asko bota ondoren, azala ondo garbitu behar da.
Tratamendua
Ez dago tratamendu zehatzik, pertsona bakoitzak tratamendu berezi bat behar baitu. Horregatik, komenigarria da espezialista batengana joatea, arazoak ekiditeko.
