DIAC-a edo korronte alternorako diodoa (ingelesezdiode for alternating current) osagai elektroniko aktibo erdieroalea da. Bi terminal ditu eta tiristore mota bat da, normalean triac motako tiristorea desarratzeko erabiltzen dena. Diodoa ez bezala, diaca bidirekzionala da, hau da korrontea bi noranzkoetan eroan dezake. Diacak bi funtzionamendu modu ditu: blokeoa eta eroapena.
Bi elektrodoz osatua dago: A1 eta A2 (kasu honetan ez zaie anodo eta katodo izenak ematen alderanzgarriak direlako).
Bere bi terminalen arteko tentsioak desarratze-tentsioa gainditzen ez duen bitartean, blokeo moduan dago eta ez du korronterik eroaten. Desarratze-tentsio hori 30 Voltekoa izan ohi da. Diaca itzaltzeko bertatik igarotzen den korrontea diacaren ezaugarri den atxikimendu-korrontea (hold current) baino txikiagoa egin behar da.
