PROFILBARU.COM

Craig Venter
	; Irudi gehiago
Bizitza
Jaiotza	Salt Lake City, 1946ko urriaren 14a (78 urte)
Herrialdea	Ameriketako Estatu Batuak
Familia
Ezkontidea(k)	Claire M. Fraser (en) 2005); Barbara Rae-Venter (en) (1968 - 1980)
Hezkuntza
Heziketa	Kaliforniako Unibertsitatea San Diegon ; Mills High School (en) ; College of San Mateo (en)
Hezkuntza-maila	Doktoretza
Hizkuntzak	ingelesa
Jarduerak
Jarduerak	biokimikaria, genetista, ekintzailea eta ikertzailea
Enplegatzailea(k)	University at Buffalo (en)
Jasotako sariak	ikusi Canada Gairdner International Award (2002) ; Princess of Asturias Award for Technical and Scientific Research (2001) ; King Faisal International Prize in Science (2000) ; Paul Ehrlich and Ludwig Darmstaedter Prize (2002) ; Kistler Prize (2008) ; Zientzia Domina Nazionala (2008) ; Dickson Prize in Medicine (2011) ; Leeuwenhoek Medal (2015) ; Nierenberg Prize (2007) ; Dan David Prize (2012) ; Biotechnology Heritage Award (2001) ; Debrecen Award for Molecular Medicine (2003) ; Gabbay Award (2000) ; Golden Eurydice Award (2007) ; honorary doctor of the University of Hong Kong ; J. Allyn Taylor International Prize in Medicine (2001) ; honorary doctor of Royal Institute of Technology (2002ko irailaren 6a) ; NAS Award for the Industrial Application of Science (2002) ; Financial Times Person of the Year (2000) ; Clarivate Citation Laureates (2002) ; Newcomb Cleveland Prize (1999) ;
Kidetza	Ameriketako Estatu Batuetako Zientzien Akademia Nazionala; Arteen eta Zientzien Ameriketako Estatu Batuetako Akademia
Zerbitzu militarra
Adar militarra	Ameriketako Estatu Batuetako Itsas Armada
Parte hartutako gatazkak	Vietnamgo Gerra
Sinesmenak eta ideologia
Erlijioa	ateismoa

John Craig Venter (Salt Lake City, Utah, Ameriketako Estatu Batuak, 1946ko urriaren 14a - ), biokimikari estatubatuarra eta enpresaria da, 1999an Giza Genoma guztiz ikertu eta lehenengo aldiz sekuentziatu egin zuen zientzialaria izan zen, berak sortutako Celera Genomics enpresaren bitartez. 2010ean bere ikerlarien taldeak lehenengo zelula sintetikoa sortu zuen. Craig Venterrek The Institute for genomic research eta J.Craig Venter Institutoa ezarri zuen. Gaur egun ikerketa eta garapenetan lan egiten ari da organismo biologiko sintetikoak sortzeko eta itsasoko genetiko anitztasuna dokumentatzeko. 2007an Time aldizkarian agertu zen eta 2008an munduko 100 pertson eragintsuagoenetarikoen zerrendan sartu zen aldizkari beraren arabera.

Biografia

Kaliforniako San Mateo unibertsitatean hasi zen bere karrera profesionala, Vietnamgo Gerran egon ondoren. 1972an, Biokimikan lizentziatura lortu zuen eta 1975ean Farmakologian doktoregoa egin zuen, biak Kaliforniako Unibertsitatean, San Diegon. Buffalo unibertsitatean lan egin ondoren, National Institute of Healthean sartu zen lan egiteko.

Celera Genomics ezarri ostean, ospe handia lortu zuen Giza genoma proiektu autonomo bat sortzeagatik 1999an, helburu komertzialak eta teknika propioak erabiltzen, hala nola shotgun sequencing delakoa.

Celera Genomics laborategiko ikertzaileek, bost ale ezberdinetako ADN erabili zituzten, Giza genoma sekuentziatzeko. Susmatzen da aleen bateko ADNa Craig Venterrena dela. 2002an Celera Genomics enpresak Craig Venter kaleratu zuen, Venterren genomako datuak saltzeko nahiak saihesteko.

1992an The Institute for Genomic Research (TIGR), ezarri zuen. Gaur egun, Venter, J.Craig Venter Institutoaren zuzendaria da. 2005ean Synthetic Genomics ezarri zuen, mikroorganismo genetikoki eraldatuak ekoizteko, erregai alternatiboak sortzeko helburuarekin.

Venter Wired, The Economist eta Cosmos aldizkarietan ageri da.

Munduan zehar bidaia

Venterrek munduko ozeanoetatik nabigatzen da bere yatearekin "Sorcerer II". Bere ustez, zientzialarien XVIII eta XIX. mendeko bidai ospetzuen parekoa da bere bidaia. Birusen eta bakerien ADNa harrapatzen ari da bere laborategietan sekuentziatzeko.

Informazio horrekin, munduko biodibertsitateko geneak estadistikoki estrapolatzeko gai izango da. Bere iritziz, mikroorganismoetan energia berriak, botika ezezagunak, eta kutsaduraren aurkako agente berriak garatzeko gakoa dago. Bidaiarekin mikroeboluzioaren galderak erantzuteko gai izatea espero du.

Bizitza artifiziala

2007ko urrian, Craig Venterrek kromosoma artifial bat eraldatzen lortu zuela esan zuen. 2009ko uztailean, itun bat sinatu zuen Exxon Mobil petroleo enpresarekin, atmosferako CO2, erregai bihur dezaten mikroorganismoak garatzeko.

2010eko maiatzaren 20an, Science aldizkariak berri historikoa argitaratu zuen: Venter eta bere taldekoek lehenengo zelula bakterianoa genoma sintetikoarekin sortu zuten. Erabili zuten genoma guztiz artifiziala zen baina 'Mycoplasma myciodes' bakteriaren genomatik kopiatuta. Gainera bakteria bat erabili zuten bere genoma artifizial ostatu emateko, beraz zientzialari batzuek eszeptikoki hartu zuten berria.