Champlain (aintzira)

Champlain (aintzira)
Datu orokorrak
Garaiera	30 m
Mota	aintzira
Luzera	201 km
Zabalera	23 km
Azalera	1.269 km²
Sakonera	122 m
Eponimoa	Samuel de Champlain
Geografia
Koordenatuak	44°32′N 73°20′W
Estatu burujabe	Kanada
Probintzia	Quebec
Eskualdea	Montérégie
Hidrografia
Betebidea	ikusi Otter Creek ^(en) Missisquoi River ^(en) Winooski River ^(en) La Chute ^(en) Ausable River ^(en) Pike River ^(en) Saranac River ^(en) Lamoille River ^(en)
Hustubidea	Richelieu River ^(en)
Erresidentzia denbora	2,6 a
Arroaren azalera	21.326 km²
Arro hidrografikoa	Lake Champlain basin ^(en)

Champlain aintzira Estatu Batuak eta Kanada arteko mugan kokaturik dagoen aintzira bat da.

1989an UNESCOk Biosfera erreserba izendatu zuen Champlain-Adirondack izenarekin^[1].

Geografia

Aintziraren gehiengoa Estatu Batuetako New York eta Vermont estatuetan dago, baina iparraldea Kanadako Quebec probintzian sartzen da. Nahiko luzea da itxuran eta 1.331 km²-ko azalera du. Estatu Batuetako ibai askoren urak jasotzen ditu eta Champlain aintziratik

Richelieu ibaia ateratzen da iparralderantz. Richelieu ibaia San Laurendi ibai handira iristen da eta hau San Laurendi golkoan itsasoratzen da.

Aintziraren barnean 80 uharte inguru daude, aipagarrienak Grand Isle, North Hero eta Isle La Motte dira, hirurak ere Vermont estatuan daudenak.

Ekologia

Nekazal eremuan kokaturik dagoenez eutrofizazio maila handia du eta 1996an fosforo maila jeisteko proiektua jarri zen martxan^[2].

Ubarroien kopurua oso handia da, 14.000-16.000 ale daudela estimatzen da (2010). Aintzirako arrain kopurua ikusita ubarroiak 3.000 inguru izatea hobetsi zen. Kontuan izan behar da aurrez 1940 eta 1950 hamarkadetan DDTaren erabilerak ubarroiak ia desagertzea ekarri zuela, konposatu kimiko horrek arrautzen oskola hauskorra bihurtzen baitzuen^[3].

Delawareko kaioen kopurua ere gehiegizkoa da. Espezie hauek gutxitzeko bestelako espezie batzuk ekarri dira, hauek ere DDTaren ondorioz alde egin zutenak, hala nola; amiltxori arrunta, koartzatxo itzaina eta lertxun urdina^[3].

81 arrain espezie deskribatu dira Champlain aintziran. Aintzirako amuarrainaren eta izokin arruntaren arrantza turismo jarduera bihurtu da^[4].

Erreferentziak

1. (Ingelesez) Bendavid, Ike. (2021-05-25). «Wildlife Watch: Long-term effort underway to restore Champlain Valley floodplains» https://www.wcax.com (Noiz kontsultatua: 2023-11-14).
2. «Publication Details» web.archive.org 2009-03-13 (Noiz kontsultatua: 2023-11-14).
3. ↑ Page, Candace. (2010). Cutting the cormorant population. Burlington Free Press. Burlington, Vermont., 1C, 8C or..
4. «LAKE CHAMPLAIN BASIN ATLAS: Plants and Animal Habitats» web.archive.org 2010-09-26 (Noiz kontsultatua: 2023-11-14).

Kanpo estekak

• Datuak: Q68467
• Multimedia: Lake Champlain / Q68467