PROFILBARU.COM

Casto Intza
	Irudi gehiago
Bizitza
Jaiotza	Errezu, 1894ko uztailaren 1a
Herrialdea	Nafarroa Garaia, Euskal Herria
Heriotza	Iruñea, 1992ko martxoaren 27a (97 urte)
Hezkuntza
Hizkuntzak	gaztelania
Jarduerak
Jarduerak	musikologoa
Izengoitia(k)	Jorge de Riezu
Sinesmenak eta ideologia
Erlijio-ordena	Anaia Txiki Kaputxinoen Ordena

Casto Intza Arbeo, izengoitiz Jorge de Riezu (Errezu, Deierri, 1894ko uztailaren 1a - Iruñea, 1992ko martxoaren 27a),^[1] nafar musikologo, irakasle eta itzultzaile kaputxinoa izan zen. Madrilgo Unibertsitatean Matematikan lizentziaduna, Lekarozko ikastetxean jardun zuen irakasle. Ohorezko euskaltzain izendatu zuten 1979ko abenduaren 20an.^[2]

Bizitza

Casto Intza 1894ko uztailaren 1ean jaio zen Errezun. 1917ko abenduaren 22an egin zen apaiz, 23 urterekin, eta orduan sartu zen Madrilgo Unibertsitatean, Matematika ikastera. Bertan gelakide izan zuen Jose Gonzalo Zulaika (Aita Donostia), eta musikarako zaletasuna jaso zuen harengandik. Ondoren, biak irakasle jardun zuten Lekarozko ikastetxean. 1936ko Gerra Zibila hastean, joera abertzaleengatiko salaketa jaso zuen, eta beste kaputxinoekin batera ihes egin zuen Argentinara, 1952 arte. Lekarozera itzulita, matematika irakasle aritu zen.^[3] Aita Donostia hil zenetik, haren obra zaindu, aztertu eta prestatzeko lanaz arduratu zen.^[4]

Lanak

Zenbait idazlanen egilea da:^[5]

A Dios por la caridad, en memoria de la madre Teodomira Inza, Buenos Aires. 1944 (110 or.)
Flor de canciones populares vascas, Buenos Aires, 1948. (356 or.)
La balada alemana de Mina en el puente del Bidasoa, "Lecároz", 1953. (4 or.)
Vida, obra y semblanza espiritual del Padre José Antonio de Donostia, capuchino. Iruñea, 1956. (71 or.)
El príncipe Luis Luciano Bonaparte. Príncipe de Viana aldizkaria, 1958. (149-164 orr.)^[6]
Nafarroa-ko Euskal kantu zaharrak. Lekaroz, 1973

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2015/1/18 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.