Beatriz Aveirokoa edo Beatriz Portugalgoa (1430 – 1506), Portugalgo infanta eta Viseuko dukearen emaztea izan zen.
Biografia
Familia
Joan Portugalgo infantearen alaba zen (Joan I.a Portugalgoa erregearen eta Filipa Lancasterrekoaren laugarren semearena) eta haren emazte Isabel Barceloskoaren alaba zen (Alfontso I.a Bragantzakoaren alaba zena).
Elisabet Katolikoaren izeba zen, bere ahizpa Elisabet Joan II.a Gaztelakoarekin ezkonduta zegoelako.
Petri I.a Portugalgoaren, Nuno Alvarez Pereiraren eta Joan Gantekoa Lankasterreko dukearen birbiloba zen.Lehengusuarekin ezkondu zen, Fernando infantea Bejako eta Viseuko dukearekin (Portugalgo Alfontso V.aren anaia gazteena zena). Bederatzi seme-alaba izan zituzten eta horietatik bost iritsi ziren heldu arora:
- Joan (1448-1472), aitaren oinordekoa, Joan I.a izenarekin;
- Diego (1450-1484), bere anaia nagusiaren oinordekoa, Diego I.a izenarekin, eraila izan zen;
- Duarte;
- Dionisio;
- Simon;
- Leonor (1458-1525), Joan II.a Portugalgo erregearekin ezkonduta (bere lehengusua zena);
- Isabel (1459-1521), Fernando II.a Bragantzako dukearekin ezkondua;
- Manuel I.a Portugaletekoa (1469-1521), Portugalgo erregea;
- Katalina.
Infanta eta dukea
Zeregin aktiboa izan zuen Alfontso V.aren, Joan II.aren eta Manuel I.aren erreinaldietako politikan. Gaztelarekin bakea egiten lagundu zuen: Elisabet I.a Katolikoarekin pertsonalki elkartu zen eta horrek Alcáçovas e Terçarias de Mourako Ituna sinatzea ekarri zuen.
Diego bere semearen tutore moduan eta haren izenean, Done Jakueren ordenaren kudeaketan lan handia egin zuen.
Kanpo estekak
