Auzitegi-medikuntza, medikuntza forentse edo lege-medikuntza[1]zuzenbideak planteatzen dituen arazoak konpontzeko beharrezkoak diren ezagutza mediko eta biologiko guztiak aplikatzen dituen medikuntzaren adarra da. Auzitegiko medikuak epaileei eta auzitegiei laguntzen die justizia-administrazioan, eta zaurituak jasandako lesioen jatorria edo heriotzaren arrazoia zehazten du, gorpu bat aztertuta. Justizia-auzitegien eguneroko jardunetik eratorritako alderdi medikoak aztertzen ditu, non peritu gisa jarduten duten. Auzitegi-medikuntzako arazoei buruzko irizpena ematen duen medikuak mediku forentse, auzitegi-mediku edo, soilik, forentse du izena.[2]
