Andre Maria baseliza Villabuena Araban dagoen Erdi Aroko eraikina da. Eusko Jaurlaritzak Balizko Arkeologia Gune gisa katalogatuta dauka.[1] 1959an zaharberritu zuten.
Jatorrian, Erdi Arokoa da, XIII.-XV. mendeetakoa, [2] erromanikotik gotikorako trantsizioko garaikoa. 1959an zaharberritu zuten. Bere jatorrizko garaitik gorde ditu leihate bat, ur bedeinkatuaren pilari eusten zion hagaburutxo bat, Andre Mariaren idulkiaren azpian zegoen harrizko friso bat eta haren irudia, bai eta sarrerako atea ere, arku zorrotzekoa. Andre Mariaren irudi hori XIV. mendekoa da, eta Villabuenako Andre Maria deritzo.[3]