Afrikako erlijio tradizionalak sinismen desberdinen multzo bat da, hainbat erlijio etnikotan banaturik.[1] Orokorrean, tradizio idatzietan baino ahozkoetan oinarrituta daude,[2][3] eta sortzaile gorenean eta izpirituetan sinesten dute; arbasoen gurtza eta magia eta medikuntza tradizionala erabiltzen dute.[4][1] Gizakion eginkizun nagusia natura eta naturaz haraindikoa elkartzea da.[1][5]
Bere jarraitzaileak Sahara azpiko Afrikako 43 herrialdetatik hedatzen dira eta 100 milioi inguru dira.[6] Gehienak bere jarduera tradizionalak abrahamdar erlijioekin uztartzen dituzte.[7][8]