Zoltán Bőjtös [bOjtoŝ], laŭ la hungarlingve kutima nomordo Bőjtös Zoltán, estis hungara agronomo, plibonigisto. Lia familia nomvarianto estis Böjtös.
Zoltán Bőjtös[1] naskiĝis la 19-an de februaro 1916 (nun 1916-02-19) en Magyarpadé (Hungara reĝlando, Aŭstrio-Hungario, nuntempa Padej en Serbio), li mortis la 13-an de julio 1989 en Budapeŝto.
Biografio
Zoltán Bőjtös maturiĝis en luterana gimnazio en Sopron en 1934, poste li akiris agronomian diplomon en agronomia fakultato de Reĝa Teknika kaj Ekonomia Universitato palatino József en 1940. Post la diplomo li praktikadis en tutlanda instituto (1940–1943), poste li estis asistanto, respektive lektoro (1945–1950) en instituto en Mosonmagyaróvár, pli poste li laboris en instituto en Martonvásár 1950–1969, fine en instituto en Kompolt (1969–1979), dum li gvidis la tutlandan esploradon pri la medikago (1974–1979). Intertempe li esploris en Usono helpe de stipendio (1966–1967) kaj li kandidatiĝis (CSc) en 1961 antaŭ la Hungara Scienca Akademio. Li ricevis solan premion en 1964.
Elektitaj kontribuoj
- Mentsük meg tiszántúli lucernafajtáinkat! (1951)
- A lucernanemesítés időszerű kérdései. (1958)
- Méhek hasznosítása a mezőgazdaságban. (kunaŭtoro, 1966)
Fontoj
Referencoj
.svg){kind=small}
.svg){kind=small}
