Waldfischbach-Burgalben estas komunumo en Germanio. Ĝi troviĝas en la distrikto Südwestpfalz de la federacia lando Rejnlando-Palatinato. Ĝi estas sidejo de la samnoma komunumaro.
En la distrikto ĝi estas la plej granda el la komunumoj, kiuj ne estas urboj, sed ĝia loĝantaro malkreskas.
La komunumo estiĝis la 7-an de junio 1969 el la du ĝis tiam memstaraj vilaĝoj Burgalben kaj Waldfischbach.
Ĝi situas je la okcidenta rando de la naturprotektata regiono Palatinata Arbaro, grandparte en la valoj de la riveretoj Schwarzbach kaj Moosalb.
Ĝiaj najbaroj estas Clausen, Donsieders, Geiselberg, Heltersberg, Hermersberg, Höheinöd, kaj Steinalben.
Ĝi estas atingebla per la nacia ŝoseo B270 kaj per la fervoja linio inter Kaiserslautern kaj Pirmasens.
Sur la tereno de Burgalben troviĝas la pilgrimejo Maria Rosenberg.
Evangelia preĝejo Burgalben
Golfludejo
Sabloŝtonaj rokoj
