Urmein (en la romanĉa lingvo Urmagn) estas komunumo de la komunumaro Thusis kaj la distrikto Malantaŭa Rejno en Kantono Grizono, Svislando. Ĝi havis 122 loĝantojn je la 31-a de decembro 2009.
Geografio
Urmein situas ĉe la orienta deklivo de Heinzenberg ĉe la okcidenta flanko de la valo de Malantaŭa Rejno okcidente de Thusis. Al la komunumo apartenas krom la vilaĝo Urmein mem la setlejoj Gazeschg, Bigniel, Casaritsch, Baria Sut kaj Oberurmein.
Najbaraj komunumoj
La komunumo Urmein limas en nordo al Flerden, en nordoriento al Masein, en sudoriento al Thusis, en sudo al Lohn, kaj en okcidento al Tschappina.
Trafiko
Urmein situas flanke de la gravaj trafikvojoj. Tra la komunumo pasas la konekta vojo de Thusis al Tschappina, sur kiu cirkulas poŝtaŭtolinio, kiu konektas la komunumon al la publika transportreto.
Lingvoj
Dum mezepoko Urmien apartenis al la romanĉlingva teritorio, sed jam ekde la 14-a jarcento la vilaĝo estis germanigita de almigrintaj valzoj. Okaze de la popolnombrado de 2000 98% de la loĝantaro parolis al germanan lingvon, dum la romanĉa lingvo komplete formortis en la komunumo.
Historio
La unua dokumenta mencio de Urmein datiĝas el la jaro 1156 kiel Hof de Ormen. Meze de la 12-a jarcento Urmein estis parto de la grandbieno Flerden kaj apartenis al la Monaĥejo Cazis. La landaj senjoroj ĝis la jaro 1337 estis la Senjoroj de Vaz. Ilin sekvis la Grafoj de Werdenberg kaj la Grafoj de Rhäzüns, kaj ek de 1475 la episkopo de Koiro. En la jaro 1709 la loĝantoj de Urmein sin liberaĉetis de la feŭdo de la episkopo. Ĝis la administra reformo de 1851 Urmein estis najbararo de la tribunalkomunumo Heinzenberg. Ek de tiam ĝi estis komunumo de la distrikto Heinzenberg, kiu estis en la jaro 2001 integrita al la distrikto Malantaŭa Rejno. [1]
Notoj kaj referencoj
Eksteraj ligiloj
_wappen.svg)
_wappen.svg)
_wappen.svg)
