La Universitato de Andoj (hispane Universidad de Los Andes, akronime ULA) estas publika kaj aŭtonoma universitato, la dua plej malnova universitato en Venezuelo, kaj la plej granda publika universitato en la venezuela Andoj. La ĉefaj kampusoj, ĉefsidejo kaj rektorejo, de la universitato situas en Merido.
Ĝi estis fondita de la pastraro kiel studdomo la 29-an de marto 1785, poste levita al seminario kaj finfine agnoskita kiel universitato la 21-an de septembro 1810 laŭ dekreto eldonita de la Reganta Estraro de la provinco, ankoraŭ en la Reĝlando Hispanio.
Historio
ULA estis komence fondita kiel katolika seminario la 29-an de marto 1785 fare de la Episkopo de Mérida, Patro Juan Ramos de Lara. De Lara nomis sian institucion la "Reĝa Seminario-Kolegio de San Buenaventura de Merida". Al la lernejo estis koncedita la statuso de "Reĝa Universitato de San Buenaventura de Merida de los Caballeros" la 21-an de septembro 1810, kun la rajto doni diplomojn en filozofio, medicino, civila kaj katolika juro, kaj teologio. En 1832, la prezidanto de Venezuelo, generalo José Antonio Páez, akceptis agon kiu igas la universitaton laika institucio.
Hodiaŭ, la Universitato de Andoj funkciigas du kampusojn en Merido, kun pluraj dekduoj da fakultatoj disigitaj ĉie en la grandurbo.
Organizo
La universitato havas bakalaŭrajn programojn en la artoj, sciencoj, literaturo kaj homscienco, kaj pli, kunigante pli ol 50,000 studentojn kaj 6,000 profesorojn sur la Meridaj kampusoj.
- Fakultato de Arkitekturo kaj Dezajno
- Lernejo de Arkitekturo
- Lernejo de Industria Dezajno
- Fakultato de Arto
- Lernejo de Prezentartoj
- Lernejo de Belartoj kaj Grafika Dezajno
- Lernejo de Muziko
- Fakultato de Scienco
- Lernejo de Fiziko
- Lernejo de Matematiko
- Lernejo de Biologio
- Lernejo de Kemio
- Fakultato de Ekonomiaj kaj Sociaj Sciencoj
- Lernejo de Komerca Administrado
- Lernejo de Kontado
- Lernejo de Ekonomiko
- Lernejo de Statistiko
- Fakultato de Forstado kaj Mediaj Sciencoj
- Lernejo de Forstado
- Lernejo de Geografio kaj Renoviĝanta Energio
- Arbarlernejo
- Fakultato de Juraj kaj Politikaj Sciencoj
- Lernejo de Politika Scienco
- Lernejo de Kriminologio
- Lernejo de Juro
- Fakultato de Apoteko kaj Bioanalizo
- Lernejo de Bioanalizo
- Lernejo de Apoteko
- Fakultato de Homeco kaj Eduko
- Lernejo de Edukado
- Lernejo de Historio
- Lernejo de Modernaj Lingvoj
- Lernejo de Ĵurnalismo
- Lernejo de Amaskomunikilaro
- Fakultato de Inĝenierio
- Lernejo de Ĝenerala Inĝenierado
- Lernejo de Konstrua Inĝenierado
- Lernejo de Elektrotekniko
- Lernejo de Geologia Inĝenierado
- Lernejo de Mekanika Inĝenierado
- Lernejo de Kemia Teknologio
- Lernejo de Sisteminĝenierado
- Fakultato de Medicino
- Lernejo de Medicina Personaro Trejnado
- Lernejo de Medicino
- Lernejo de nutrado
- Fakultato de Dentokuracado
Vidu ankaŭ
Eksteraj ligiloj
