Scienca (inter)konsento estas la kolektivaj decidoj, pozicioj kaj opinioj de komunumo de sciencistoj en difinita fako de scienco en specifa momento en tempo. Interkonsento implicas ĝeneralan interkonsenton, sed ne nepre unuanimecon. Scienca konsento mem ne estas scienca argumento kaj ne estas parto de la scienca metodo, sed la enhavo de la konsento mem povas baziĝi sur sciencaj argumentoj kaj la scienca metodo.
Interkonsento estas atingita per komunikado ĉe konferencoj, tra la procezo de publikigo, ripeto kaj konfirmo de alies rezultoj, kaj kolega reviziado de sciencaj artikoloj. Ĉi tio kondukas al situacio en kiu sciencistoj ene de speciala kampo facile komprenas ke tia konsento ekzistas, dum klarigi ĝian ekziston al homoj de ekstere estas malfacila tasko, ĉar normala scienca debato pri klarigado de detaloj povas esti perceptita de ili kiel defio de la konsento [1]. De tempo al tempo, sciencaj korpoj publikigas specialajn publikaĵojn dediĉitajn al resumo de la nuna konsento en aparta areo por ĝia promocio al pli larĝaj sciencaj rondoj. En kazoj kie ekzistas malmulte da konflikto koncerne esplortemon, establi sciencan interkonsenton estas sufiĉe facila.
Scienca interkonsento povas esti uzita en populara aŭ politika debato en temoj kiuj estas kontestataj en la publika sfero, sed kiuj ne estas kontestataj ene de la scienca komunumo, kiel ekzemple la fakto de biologia evoluo [2][3] aŭ la manko de ligo inter vakcinado kaj aŭtismo [1].
Alidirite, la stato de scienco aŭ esplorado estas resumo de la nunaj esplorrezultoj pri specifa temo aŭ esplorkampo.
La stato de esplorado povas esti komprenita kiel la amasiĝo de novaj sciencaj scioj. Ĝi konstante eliras el totalo de esploroj, sciencaj publikaĵoj kaj sciencaj diskutoj (prelegoj ĉe fakaj konferencoj, griza literaturo).
Scienca interkonsento ekzistas kiam la stato de esplorado pri temo (inkluzive de trans disciplinoj) estas (preskaŭ) unuanima. Ĝia komunikado ludas gravan rolon en la publika sfero kaj en modernaj socioj kiel bazo por politikaj kaj juraj decidoj.
En esplorartikoloj, estas ofta praktiko unue kompari la esplordemandon kun superrigardo de la stato de scienco.
Notoj
