Sévignac (jen france, prononco [seviɲak], bretoneSevinieg) estas komunumo de Francio. Ĝi situas en ladepartementoCôtes-d'Armor (jen france, bretoneAodoù-an-Arvor), “marbordoj de la lando ĉe la maro”, en la regiono Bretonio (franceBretagne, bretoneBreizh). Laŭ la stato de 2022 en la komunumo vivis 1 116 loĝantoj sur areo de 43,25 kvadrataj kilometroj, kio rezultigas loĝdenson de 26 loĝantoj/km². Ene de la departemento, la komunumo apartenas al la arondismento Saint-Brieuc, al la kantono Broons kaj ekde decembro 2016 al la komunumaroLamballe Terre et Mer.
La nomo "Sévignac" datiĝas de la gaŭla-romia epoko kaj eble venas de la latina vorto «Sabinius». Sabinius eble estis veterano de romia legio al kiu estis donita bieno rekompence pro sia braveco. Tiaj atribuoj estis faritaj sekve de demografia malkresko, manko de laborforto lasis terpecojn senkulturaj. Tamen, ne neglekteblas ke en la vorto Sévignac (Seminiacum) estas la formo "sem(i)nio", kiu signifas gorĝon. Sed la vorto "gorĝo" pensigas al valo, kio ne taŭgas por Sévignac.
Sévignac estis menciita per la nomo «Seminiaca plebs» en ĉarto de la abatejo de Redon de la 29-a de novembro 869, kiu mencias ke Roiantdreh, filino de Louvenan, donaciis per heredo la paroĥon de Sévignac al princo Salomon, princo de Bretonio, ŝia adopta filo.
En la 12-a jarcento, la cisterciaj monaĥoj de Boquen starigis garbejon, agrikultura farmobieno loĝata de submonaĥoj, kiuj prosperigis la loĝejaron Pengave kaj Pengly same kiel la konstruon de la kapelo de Saint-Cado. La kasteloj de Limoëlan, 14-a - 18-a jarcento, estis starigitaj sur la loko de la malnova senjorlando posedata de la familio Rousselot. En Sévignac naskiĝis la lasta episkopo de Tréguier, Augustin-René-Louis Le Mintier (1729-1801), kaj Joseph Pierre Picot de Limoëlan, atencinto al Napoleono.
Antaŭ la revolucio, pli ol 10 pastroj zorgis pri la religia vivo. En la unua imperio, Sévignac enhavis 3 000 loĝantojn, kies plej multaj estis agrikulturistoj. La loĝantaro forte malkreskis fine de la 19-a kaj en la 20-a jarcento.
Lokoj kaj monumentoj
Kasteloj de Limoëlan, registritaj kiel Monumentoj Historiaj per dekreto de la 18-a de marto 1991[1].
Loko Rochereuil, precipe arbara, kun lageto, roka pinto kaj kopio de la kavo de Lourdes; malsupre de la lageto, malnovaj ĉevalejoj, akvomuelejo kaj panforno estis restaŭritaj, atestante pri la tia aktiveco de tiuj lokoj
Sportoj
En la 1960-aj jaroj, estis biciklista kuro, la Critérium de Sévignac.
.svg)
_-_02.jpg)
