Preĝejo Sankta Nikolao estas romkatolika historia monumento en Hungario, en urbo Ózd, en kvartalo Sajóvárkony [sajOvArkonj], kiu iam estis memstara vilaĝo.
La unua kirko konstruiĝis antaŭ ol 1592. La nun videbla preĝejo estis konstruita en la sama loko en 1750 aŭ 1791. La orgeno estis farita en 1860, trakonstruita en 1971.
La preĝejo troviĝas en korto, krome tie estas videblaj kruco, skulptaĵo pri Johano Nepomuko (farita en 1830) kaj la paroĥejo (konstruita en la 19-a jarcento. En mezo de la fasado kvadrata turo altiĝas, malsupre situas la enirejo. La turopinto estas bulboforma. Post la turo sekvas la navo, kies fino estas la sanktejo kun la sakristio. Bildo de la ligna ĉefaltaro, la bildo prezentas Sanktan Nikolaon el la 18-a jarcento.
Kermeso okazas en la 6-an de decembro aŭ en la unua dimanĉo de decembro.