La preĝejo Patrono de Hungaroj estas katolika historia monumento en vilaĝo Zabar.
Historio
Supozeble tiu ĉi romanika kirko estis konstruita en la malfrua 13-a jarcento. Post 2 jarcentoj la navo estis pligrandigita jam laŭ gotiko. En 1725, 1835 kaj 1923 renovigaj laboroj okazis. En 1932 oni konstruis la turon, vestiblon kaj parton de la navo. La orgeno estis farita ĉirkaŭ 1800.
Konstruaĵo
La preĝejo situas sola sur flanko de monteto. Apud la preĝejo troviĝas ŝtona kruco kaj malnovaj gisitaj feraj krucoj. La fasado estas malsimetria, ĉe la dekstra angulo la turo altiĝas kun piramida svelta turopinto. La turo mem imitas la kutimajn preĝejturojn en Transilvanio. La enirejo funkcias tra la vestiblo. Ĉe flanko de la navo estas videbla enmurita pordo, kiu prezentas la mezepokon kun kelkaj fenestroj. La absido estas rektangula kaj sakristio aliĝas al la absido. La instalaĵoj estis faritaj en la 20-a jarcento.
Kermeso okazas la 8-an de oktobro.
Fontoj
-
Navoflanko
-
Turo
-
Enmurita pordo
-
Absido
-
Krucifikso
