La golfeto de Portlligat, nome la pejzaĝo kiu sorĉis la artiston Salvador Dalí en Cadaqués, kun lia domo, nun Domo-Muzeo. Ĝi estas formata de aro de kabanoj de fiŝkaptistoj kiuj estis akiritaj de la pentristo kaj lia edzino, Gala. Malfermita al publiko en 1997, en sia eno montriĝas memoraĵoj de la pentristo, lia ateliero, la biblioteko, liaj ĉambroj kaj la ĝardeno.Portlligat el la Domo-Muzeo Salvador Dalí.
Portlligat aŭ Port Lligat estas malgranda hispana vilaĝo ĉe la marbordo de Mediteraneo en la municipa teritorio de Cadaqués (Provinco Ĝirono), situa sur golfeto de la kabo de Creus, Hispanio.
Tiu loko estas konata internacie, ĉar estis la loko de rezidejo de Salvador Dalí. En tio kio iam estis lia hejmo nuntempe estas vizitebla la Domo-Muzeo Salvador Dalí. Salvador Dalí loĝis en tiu domo kiun li mem desegnis, je malmultaj horoj norde de Barcelono, en la regiono de la Costa Brava. Dalí loĝis tie de 1930 ĝis la morto de sia edzino en 1982 (kun longaj interrompoj), kaj la malkongrua kolekto de tri kabanoj de fiŝkaptistoj estas nun muzeo kiu proponas malgrandan rigardon al lia unika vivo.
_-_panoramio_(2).jpg)
