Muzaffarpur estis fondita fare de ĥano Muẓaffar dum la brita regado por administri grandan areon. Ĝi estis municipo en 1864. En 1934 katastrofa sismo okazis kun multe da mortintoj kaj damaĝoj. En 1977 du areoj estis forigitaj por establi novajn distriktojn.
Ekonomio
Agrikulturo ludas gravan rolon en la ekonomio. La liĉio - kiu estas havebla de majo ĝis junio - estas plejparte kultivita en la plena distrikto de Muzaffarpur produktante proksimume 300 000 tunojn jare. Liĉioj estas eksportitaj al ne nur enlande, sed ankaŭ eksterlande. Firmao loke produktas aromajn vinojn el liĉio-suko. Menciindas ankaŭ la produktado de tabakoj, mangoj, rizoj kaj beteloj. En la urbo longe oni produktis fervojajn vagonojn sed iom da teksa industrio restis.
La ĉefa religio en Muzaffarpur estas hinduoj kun 275 233, poste islamanoj 74 680 kaj kristanoj kun 1352.
Lingvoj
En Muzaffarpur la lokaj lingvoj estas la bojpura kaj majtila, la oficiala dokumenta lingvo estas la hindia, krome oni parolas ankaŭ urdue.
Klimato
Muzaffarpur situas en humida subtropika klimato (Cwa). La temperaturo varias inter 20-31 °C. Jare pluvas mezume 1147 mm, en ĉiuj monatoj pluvas iomete, sed inter junio kaj septembro tre ofte pro la musono.
Trafiko
Muzaffarpur havas fervojajn liniojn al Motihari, Samastipur kaj Haĝipur. 7 ĉefvojoj kuras al la urbego. La loka flughaveno funkciis de 1967 ĝis 1982. La plej proksima enlanda flughaveno fakte funkcias en Darbhanga, la internacia en Patnao.
