Montferland (51° 56′ N, 6° 9′ O(mapo)51.9333333333336.15 )
estas municipo en la regionoj Achterhoek kaj la Liemers, en la nederlanda provinco Gelderland. Laŭ la stato de 2021 en la municipo vivis 36 031 loĝantoj sur areo de 110 kvadrataj kilometroj, kio rezultigas loĝdenson de 328 loĝantoj/km².
La municipo ekestis je la 1-a de januaro2005 pro komunuma rearanĝo el la antaŭaj municipoj Bergh kaj Didam. La parto de la antaŭa municipo Bergh apartenas laŭ ĝenerala supozo grandparte al la regiono Achterhoek, la parto en la eksa municipo Didam al la regiono Liemers. Sude de la municipo situas la landlimo kun Germanio.
Centroj
Azewijn, Beek, Braamt, Didam, Greffelkamp, 's-Heerenberg, Kilder, Lengel, Loerbeek, Loil, Nieuw-Dijk, Oud-Dijk, Stokkum, Wijnbergen kaj Zeddam, inkluzive de la vilaĝetoj Holthuizen, Vinkwijk kaj Vethuizen.
Kemnade
La Kemnade
Ĉe la rivero Oude IJssel tuj apud la limo kun la municipo Doetinchem situas la Kemnade. En ĉi tiu historia konstruaĵo loĝis nombro da personoj kiuj ludis gravan rolon en la historio de Doetinchem (kaj Nederlando), kiel Carel Hendrik Verhuell kun edzino Maria Johanna de Bruijn kaj la familio Misset (konataj kiel la fondintoj de la Graafschapbode).
